Nashik News : महाराष्ट्र पोलिस दलातील सहाय्यक पोलिस निरीक्षकपदावरील ४४९ अधिकाऱ्यांच्या पोलिस निरीक्षकपदी पदोन्नतीने बदल्या करण्यात आलेल्या आहेत. लोकसभा निवडणुकीची आचारसंहिता संपताच पदोन्नतीने बदल्या केल्याने अधिकाऱ्यांमध्ये आनंदाचे वातावरण आहे. महाराष्ट्र पोलिस दलातील सहाय्यक पोलिस निरीक्षक गेल्या काही वर्षांपासून पदोन्नतीच्या प्रतीक्षेत होते. (449 assistant inspector have been transferred by promotion to police inspector in state)

पोलिस महासंचालक रश्मी शुक्ला यांच्या आदेशानुसार अपर पोलिस महासंचालक (आस्थापना) संजीवकुमार सिंघल यांनी महाराष्ट्र पोलिस दलातील ४४९ सहाय्यक निरीक्षकांची पोलिस निरीक्षकपदी पदोन्नती करतानाच बदल्यांचे आदेश जारी केले आहेत. त्यानुसार, नाशिक शहर आयुक्तालयात एक, जात प्रमाणपत्र पडताळणी समितीवर एक अशा दोघांच्या बदल्या करण्यात आल्या आहेत.

तसेच नाशिक शहर व ग्रामीणमधून नऊ अधिकाऱ्यांच्या पदोन्नतीने बदल्या झाल्या आहेत. महाराष्ट्र पोलिस अकादमीमध्ये तिघे रुजू होणार आहेत. पदोन्नती झालेल्या पोलिस निरीक्षकांचे महासंचालक रश्मी शुक्ला यांनी अभिनंदन केले आहे. (latest marathi news)

- नाशिकला आले : कीर्ती पाटील (बीडीडीएस, नाशिक), योगेश राजगुरू (जात प्रमाणपत्र पडताळणी समिती, नाशिक),

- नाशिकमधून बाहेर : राजू पठाण (पोलिस प्रशिक्षण केंद्र, खंडाळा), सुजित ठाकरे (ना.ग्रा.मधून पोलिस प्रशिक्षण केंद्र, अकोला), सचिन जाधव (मुंबई), नीता कायटे (ना.ग्रा.मधून मुंबई शहर), उमा गवळी (मुंबई शहर), नितीन खैरनार (मुंबई शहर), रामचंद्र कर्पे (ना.ग्रा.मधून लोहमार्ग, मुंबई), दत्तात्रय लांडगे (ना.ग्रा.मधून मुंबई शहर), सारिका थोरात (मुंबई शहर)

- पोलिस अकादमीत : जगदीश पवार (जालना), चारू भारती (नवी मुंबई), मनीषा जाधव (राज्य गुप्तवार्ता, ठाणे)