वणी : वणी- कळवण रस्त्यावर पायरपाडा गावाजवळ दुचाकी व मारुती व्हॅनच्या अपघातात दुचाकीस्वार ठार झाला, त्याच्यासोबत असलेला एक जण गंभीर जखमी झाला आहे. शनिवारी (ता.२५) सायंकाळी साडेपाचच्या दरम्यान हा अपघात झाला.
रंगनाथ रामदास चारोस्कर (३५, रा. जोपूळ, ता. दिंडोरी) व त्यांच्याबरोबर असलेले धोंडीराम बाळू सताळे (३०, रा. देवपूर, निफाड) हे दोघे दुचाकीने (एमएच १५, एफ ई १४०२) नांदुरी गडाच्या दिशेने जात होते. त्यावेळी समोरुन येणारी मारोती व्हॅन (एमएच ०४, एफएफ १०४३) यांच्यात समोरासमोर धडक झाली.
मागे बसलेले सताळे यांनाही जोराचा फटका बसला. दुचाकीस्वार रंगनाथ चारोस्कर हा व्हॅनच्या काचेवर आदळून रस्त्यावर पडला. डोक्याला गंभीर मार लागल्याने त्याचा मृत्यू झाला. जखमीला तातडीने वणी ग्रामीण रुग्णालयात आणण्यात आले. दुखापत गंभीर असल्याने नाशिक येथे पाठविण्यात आले.
अपघाताची माहिती मिळताच वणी पोलिस घटनास्थळावर पोहचले. पंचनामा करून मृतदेह विच्छेदनासाठी वणी ग्रामीण रूग्णालयात पाठविण्यात आला. वणी पोलिसात अपघाताची नोंद करण्यात आली असून सहाय्यक निरीक्षक नीलेश बोडखे यांच्या मार्गदर्शनाखाली पोलिस राऊत व भोये तपास करीत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.