नाशिक : शिखरेवाडीतील मोटवाणी रोडवर समोरून भरधाव वेगात आलेल्या कारचालकाने जाणीवपूर्वक दुचाकीला धडक दिली. त्यानंतर खाली पडलेल्या दुचाकीचालकाच्या अंगावरही कार घालून ठार मारण्याचा प्रयत्न केला. संशयित कारमध्ये चालकाशेजारी जखमी दुचाकीस्वाराची घटस्फोटीत पत्नी होती. याप्रकरणी संशयित कारचालक दिलीप बंडू केदार, अश्विनी दिलीप वाघ यांच्याविरोधात उपनगर पोलिसात गुन्हा दाखल करण्यात आला आहे. ( Attempt to kill husband in divorce due to family dispute )
सचिन नामदेव गामणे (४३, रा. ड्रिम मिनी सोसायटी, कलानगर, जेलरोड) यांच्या फिर्यादीनुसार, सदरील प्रकार २६ जुलै रोजी रात्री साडेदहाच्या सुमारास घडली आहे. गामणे हे त्याच्या दुचाकीवरून (एमएच १५ सीएक्स १०२६) मोटवाणी रोडने त्यांच्या घरी जात होते. या रोडवरील अग्रवाल बंगल्याजवळील वळणावरून समोरून भरधाव वेगातील कार (एमएच १५ एचक्यु १६८०) आली.
कारचालक संशयित केदार व त्याच्याशेजारी गामने यांची घटस्फोटीत पत्नी अश्विनी बसलेली होती. संशयितांनी कौठुंबिक वादाच्या कारणावरून गामणे यांच्या दुचाकीला समोरून धडक दिली. त्यामुळे गामणे खाली पडले असता, चालकाने कार पुन्हा त्यांच्या अंगावर ठार मारण्याच्या उद्ेदशाने घालण्याचा प्रयत्न केला. यात त्यांच्या दुचाकीचे नुकसान झाले आहे. याप्रकरणी उपनगर पोलिसात जीवे ठार मारण्याचा प्रयत्न केल्याप्रकरणी गुन्हा दाखल करण्यात आला आहे. सहायक निरीक्षक बैसाने हे तपास करीत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.