नाशिक: शैक्षणिक वर्ष २०२२-२३ करिता विविध व्‍यावसायिक अभ्यासक्रमांच्‍या प्रवेशासाठी सीईटी परीक्षेचे संभाव्‍य वेळापत्रक जाहीर झाले आहे. उद्या (ता.१९) पासून ऑनलाइन अर्ज प्रक्रियेला सुरवात होते आहे. तर मे महिन्‍यापासून परीक्षांना सुरवात होत आहे. गेल्‍यावर्षी कोरोना महामारीमुळे शैक्षणिक वेळापत्रक कोलमडले होते. शैक्षणिक वर्ष सुरू होण्याच्‍या कालावधीत राज्‍यात कोरोना महामारीची दुसरी लाट आल्‍याने संपूर्ण प्रक्रिया ठप्प झाली होती. परिणामी विविध व्‍यावसायिक अभ्यासक्रमांच्‍या प्रवेशासाठीची सीईटी परीक्षा विलंबाने झाली.

आता शैक्षणिक वर्ष २०२२-२३ करिता वेळेत संपूर्ण प्रक्रिया राबविण्याचा सीईटी सेलचा प्रयत्‍न आहे. या पार्श्वभूमीवर विविध अभ्यासक्रमांसाठी संभाव्‍य वेळापत्रक सीईटी सेलतर्फे जारी केलेले आहे. यापैकी काही अभ्यासक्रमांसाठी उद्या (ता.१९) पासून अर्ज प्रक्रियेला सुरवात होत आहे. मे आणि जून महिन्‍यात टप्‍याटप्‍याने सीईटी परीक्षा घेतल्या जाणार आहेत.

सीईटी सेलने जारीकेल्‍या सूचना

संभाव्‍य वेळापत्रकासोबत सीईटी सेलने सूचनादेखील जारी केल्‍या आहेत. त्‍यानुसार हे संभाव्‍य वेळापत्रक असून, वेळ व आवश्‍यकतेनुसार वेळापत्रकात बदल करता येऊ शकते. एकदा भरलेल्‍या अर्जात बदल करता येणार नाही. भरलेले शुल्‍क परत मिळणार नाही. विद्यार्थ्यांनी भरलेल्‍या अर्जाची प्रिंट व सॉफ्टकॉपी जतन करून ठेवायची आहे. या प्रतीची प्रवेशाच्‍या वेळी आवश्‍यकता भासेल.

असे आहे शिक्षणक्रमनिहाय संभाव्‍य वेळापत्रक-

(वेळापत्रक तात्‍पुरते असून, वेळप्रसंगी सीईटी सेल बदल करून शकते)

शिक्षणक्रम अर्ज भरण्याची मुदत परीक्षेची तारीख

एलएलबी (३ वर्षे २४ मार्च ते १२ एप्रिल ७ व ८ जून

एलएलबी (५ वर्षे) १९ मार्च ते ७ एप्रिल १७ व १८ मे

बीए-बीएड./बी.एस्सी.- १९ मार्च ते ७ एप्रिल ९ मे

(४ वर्षे संयुक्‍त)

बी.एड.-एम.एड.- १९ मार्च ते ७ एप्रिल ९ मे

इंटिग्रेटेड

बी.पी.एड. २२ मार्च ते ७ एप्रिल ११ ते १५ मे

एम.पी.एड. २२ मार्च ते ७ एप्रिल १९ ते २२ मे

एम.एड. २२ मार्च ते ७ एप्रिल १९ मे