Nashik Crime News : नांदूर-शिंगोटे परिसरात डिझेल चोरीची घटना ताजी असताना सोमवारी रात्री तीन ते साडे तीन दरम्यान तीन सोन्याच्या दुकाने लक्ष बनविली. मात्र सुदैवाने त्यातील दोन दुकाने शटर तोडण्यास चोरटे यशस्वी झाले तर एका दुकानाचे शटर तोडून किरकोळ माल लंपास तर एक किराणा दुकान फोडून सहा ते सात हजार रुपये रोख रक्कम घेऊन चोरटे पसार झाल्याची घटना घडली नांदूर-शिंगोटे येथील ग्रामपंचायत व्यापारी संकुलात सोन्याची दुकाने असून या ठिकाणी अंबिका ज्वेलर्स या दुकानाचे शटर तोडून चोरीचा प्रयत्न सीसीटीव्हीत कैद झाला. ( 3 Sarafi shops were broken into in Nandur Shingote )

अंबिका ज्वेलर्सचे संचालक सुबोध माळवे यांचे दुकान फोडण्यात चोरटे यशस्वी झाले. त्याला लागूनच असलेले साई ज्वेलर्स जितेश माळवे यांच्या दुकानाचे शटर तोडण्यातही चोरटे अयशस्वी झाल्याचे प्रत्यक्ष सीसीटीव्ही मध्ये कैद झाले. सीसीटीव्ही मध्ये तीन चोरटे दिसत असून यामध्ये एकाच्या हातात काहीतरी गोणी दुसऱ्याच्या हातात कटावणी इतर दिसून आली. याठिकाणी चोरटे सीसीटीव्हीत कैद झाल्यानंतर शेजारीच असलेल्या ए बी ज्वेलर्स बाळासाहेब माळवे यांच्या दुकानाचे शटर तोडण्यात चोरटे यशस्वी झाले.

मात्र या दुकानात किरकोळ वस्तू वगळता काही त्यांच्या हाती लागले नाही तर त्यानंतर त्यांनी मारुती मंदिरालगत असलेल्या दिलीप पठारे यांच्या दर्शन किराणा दुकानाचे शटर कटावणीने तोडून दुकानातील गल्ल्यातील रोख रक्कम सहा ते सात हजार चोरून नेला. मध्यरात्री तीन च्या दरम्यान तेथून जवळच राहणाऱ्या दर्शन किराणाचे मालक दिलीप पठारे यांचे बंधू अनिल पठारे यांना मुंबईला जायचे म्हणून लवकर उठल्यावर त्यांना दुकानाच्या ओट्यावर तीन चोरटे गप्पा मारताना आढळले.

त्यांची चाहूल लागताच तिघे बॉक्सर मोटरसायकल वरून पळून गेले. त्यानंतर त्यांनी आरडा ओरड करून सर्वांना जागे केले. चोरट्यांना एवढे मोठी दुकाने फोडूनही काही जास्त घबाड हाती लागले नाही हे उघड झाले असून नांदूर शिंगोटे मध्ये एकाच रात्री चार ते पाच चोरी सत्रामुळे ग्रामस्थांमध्ये भीतीचे आहे. रात्री पोलिसांनी गस्त वाढवावी अशी मागणी ग्रामस्थांमधून केली जात आहे.