Nashik Crime News : ब्रिटिशकालिन कायदे आजपासून इतिहासजमा झाले तर, नवीन भारतीय न्याय संहितेची अंमलबजावणी सुरू झाली आहे. त्यानुसार, नाशिक शहर पोलीस आयुक्तालय हद्दीतील पंचवटी पोलिस ठाण्यात या भारतीय न्याय संहितेनुसार (बीएनएस) पहिला अदखलपात्र गुन्हा सोमवारी (ता.१) सकाळी दाखल करण्यात आला आहे. (first Indictable offence filed in Panchavati Implementation of new Indian Judicial Code)

भारतीय न्याय संहिता व भारतीय नागरिक न्याय संहिता यानुसार नवीन कायद्यांची आजपासून प्रत्यक्ष अंमलबजावणी सुरू झाली आहे. यासाठी शासनाकडून पोलीस दलासाठी गेल्या दोन महिन्यांपासून प्रशिक्षण सुरू होते.

दरम्यान, शहर पोलिस आयुक्तालय हद्दीमध्ये नवीन भारतीय न्याय संहितेनुसार पहिला अदखलपात्र गुन्हा पंचवटी पोलीस ठाण्यात दाखल झाला आहे. फिर्यादी प्रियंका कुणाल चांडोले (रा. प्रभात प्राईड अपार्टमेंट, तारवालानगर, पंचवटी) यांनी संशयित पती कुणाल चांडोले याच्याविरोधात तक्रार दिली. (latest marathi news)

संशयित कुणाल मद्यपी असून, त्यासाठी तो सतत पत्नीकडे पैसे मागतो. पत्नीने पैसे न दिल्याने संशयिताने तिला मारहाण करीत घरातून निघून जा, नाहीतर तुला मारून टाकेन अशी धमकीही दिली. याप्रकरणी पंचवटी पोलिसात भारतीय न्याय संहितेनुसार अदखलपात्र गुन्हा सोमवारी (ता. १) सकाळी साडेदहा वाजता दाखल करण्यात आला आहे.