नाशिक : जेलरोड परिसरातील दसक येथे हॉटेल व्यावसायाच्या आडून चक्री व सोरट नावाचा जुगार अड्डा सुरू होता. शहर गुन्हेशाखेच्या युनिट दोनच्या पथकाने छापा सदरची कारवाई करीत पाच जुगाऱ्याला अटक केली आहे. (Nashik Crime Police raid Jail Road gambling den news)

शहरातील अवैध धंद्यांविरोधात धडक कारवाईची मोहिम सुरू आहे. शहर गुन्हेशाखेच्या युनिट दोनच्या पथकाला जेलरोड परिसरातील दसक येथील हॉटेल जय मल्हार याठिकाणी चोरीछुप्यारितीने जुगार अड्डा सुरू असल्याची खबर मिळाली होती.

त्यानुसार, पथकाने या हॉटेलवर छापा टाकला असता त्याठिकाणी चक्री व सोरट नावाचा जुगार खेळला जात असल्याचे दिसून आले. यावेळी पथकाने पाच जुगाऱ्यांना ताब्यात घेत, १ लाख ३२ हजार ७०० रुपयांचा मुद्देमाल जप्त केला आहे. याप्रकरणी नाशिकरोड पोलिसात गुन्हा दाखल करण्यात आला आहे.  (latest marathi news)

सदरची कामगिरी युनिट दोनचे पोलीस निरीक्षक विद्यासागर श्रीमनवार यांच्या मार्गदर्शनाखाली सहायक निरीक्षक सचिन जाधव, विवेकानंद पाठक, विलास गांगुर्डे, चंद्रकांत गवळी, प्रकाश महाजन, सुनील आहेर, मधुकर साबळे, राजेंद्र घुमरे, नितीन फुलमाळी, संजय पाटिंदे, महेश खांडबहाले, जितेंद्र वजीरे, तेजस मते, विष्णू गोसावी, योगेश रानडे, सागर आडणे यांनी बजावली.