Nashik Crime News : सिटी सेंटर मॉलच्या पाठीमागील पार्किंगमधून सहा वर्षांपूर्वी मोपेड चोरून वापरणाऱ्या दोघा संशयितांच्या मुसक्या आवळल्या. शहर गुन्हेशाखेच्या युनिट दोनच्या पथकाने सदरची कामगिरी केली आहे. (Nashik Crime Moped stolen two suspects arrested)

रोहित राजेंद्र पगारे (२५, रा. भगवती अपार्टमेंट, माणेकशानगर, काठेगल्ली), राहुल देविदास मुसळे (४६, रा. अंबिका अपार्टमेंट, पाटीलनगर, सिडको) अशी दोघा संशयितांची नावे आहेत. युनिट दोनचे अंमलदार विशाल पाटील यांना, संशयित विना नंबरप्लेटची प्लेझर मोपेड वापर असल्याची खबर मिळाली होती.

त्यानुसार पथकाने संशयित रोहित पगारे यास सापळा रचून ताब्यात घेतले. चौकशीत त्याने संशयित राहुल मुसळे याच्या मदतीने सिटी सेंटर मॉलच्या पाठीमागील पार्किंगमधून २०१८ मध्ये मोपेड चोरून नेल्याची कबुली दिली. याप्रकरणी गंगापूर पोलिसात मकरंद दामोदर जोशी (रा. देहमंदिर हौसिंग सोयायटी, गंगापूर रोड) यांच्या फिर्यादीनुसार गुन्हा दाखल आहे. संशयितांकडून मोपेड जप्त करण्यत आली आहे. (latest marathi news)

मोपेड सापडल्याने जोशी यांनी पोलिसांचे कौतूक केले. सदरची कामगिरी युनिट दोनचे वरिष्ठ पोलीस निरीक्षक विद्यासागर श्रीमनवार यांच्या मार्गदर्शनाखाली विशाल पाटील, नंदकुमार नांदुर्डीकर, सुहास क्षीरसागर, शंकर काळे, नितीन फुलमाळी, संजय पोटिंदे, प्रवीण वानखेडे यांनी बजावली.