Nashik Crime News : सिडकोतील पाटीलनगर येथे ६५ वर्षीय वृद्धेची तर, दत्त चौकात विवाहितेच्या गळ्यातील सोन्याचे मंगळसूत्र खेचून नेले. रविवारी (ता. २३) रात्री साडेनऊच्या सुमारास या घटना घडल्या असून, संशयित स्कुटीस्वारांचा पोलीस शोध घेत आहेत. (Nashik Crime Suspects from cidco chain snatching)

अलका कांतीलाल दुसे (६५, रा. दिव्या अॅडलॅबसमोर, सिडको) यांच्या फिर्यादीनुसार, त्या पतीसमोर पाटीलनगरकडे रस्त्याने पायी जात होते. त्यावेळी समोरून स्कुटी मोपेडवरून दोघे संशयितांनी त्यांची स्कुटी दुसे दाम्पत्याच्या मध्ये थांबविली आणि काही कळायच्या त्यांच्या गळ्यातील सोन्याचे मंगळसूत्र खेचून पोबारा केला.

त्या अंबड पोलिसात तक्रार करण्यासाठी गेल्या असता, त्याठिकाणी स्वाती अमोल गव्हाणे यांचीही सोन्याचे मंगळसूत्र त्याच संशयितांनी दत्तचौकातून खेचून नेल्याचा प्रकार घडल्याचे समजले. संशयितांनी या दोन्ही गुन्ह्यात १ लाख १७ हजारांचे सोन्याचे दोन मंगळसूत्र खेचून नेले आहे. याप्रकरणी अंबड पोलिसात जबरी चोरीचा गुन्हा दाखल करण्यात आला आहे.