Nashik News : नांदूर शिंगोटे येथे लहान-मोठ्या चोऱ्यांमध्ये दिवसेंदिवस मोठ्या प्रमाणावर वाढ होत चालली असून कधी डिझेल चोरी, कधी शेतकऱ्यांच्या केबल चोरी, शेती पंप चोरी तर आता चक्क चोरट्यांनी आपले लक्ष आता मंदिरे बनविली आहे. चास रस्त्यालगत असणाऱ्या स्वामी समर्थ मंदिरामध्ये लागून असलेल्या रूमचा टाळे तोडून चोरट्यांनी चक्क त्या ठिकाणी सीसीटीव्ही युनिटचे डीव्हीआर, हार्ड डिक्स व राऊटर असा पंधरा ते वीस हजार रुपये किमतीचा मुद्देमाल रात्रीच्या सुमारास चोरून नेला. (Nashik Crime News)

हा सर्व प्रकार गुरुवारी सकाळी लक्षात आला म्हणजेच बुधवारी रात्रीच्या सुमारास या ठिकाणी ही चोरी झाली असावी. या अगोदरही या ठिकाणी दानपेटी फोडल्याच्या घटना घडलेल्या आहे.

मात्र आता चक्क चोरट्याने या ठिकाणी असलेल्या सीसीटीव्ही युनिट ची चोरी केल्यामुळे या ठिकाणी सीसीटीव्ही मध्ये कुठल्याही प्रकारची रेकॉर्डिंग आता राहिले नाही. (latest marathi news)

तेव्हा या परिसरामधील भुरट्या चोरांचा त्वरित बंदोबस्त करण्यात यावा अशी मागणी स्वामी समर्थ सेवेकऱ्यांसह ग्रामस्थांनी केली आहे.

याबाबत नांदुर-शिंगोटे पोलीस स्टेशनला माहिती देण्यात आली असून पुढील तपास नांदुर-शिंगोटे पोलीस करत आहे.