नैताळे : नैसर्गिक आपत्ती, अतिवृष्टी, गारपीट या नुकसानीसाठी बाधित शेतकऱ्यांचे पंचनामे होतात. पंचनाम्याच्या अनुषंगाने शासनातर्फे निधीवाटप करण्यात येतो. शासन निर्देशानुसार संबंधित शेतकऱ्यांची ई केवायसीद्वारा ओळख पटवून ते पैसे बाधित लाभार्थ्यांच्या बँक खात्यावर वर्ग होतात.

मात्र, निफाड तालुक्यात अजूनही नुकसानीची शेतकऱ्यांनी ई केवायसी पूर्ण न केल्याने त्यांचे पैसे त्यांच्या खात्यावर वर्ग झालेले नाहीत व त्यात शेतकऱ्यांचेच आर्थिक नुकसान होते. शासनाच्या मदतीचा सामान्य शेतकऱ्यांना लाभ होत नाही. (Nashik Damaged crop farmers should complete e KYC Appeal of Tehsildar Vishal Naikwade marathi news)

शेतकऱ्यांनी गावातील सेतू केंद्र किंवा आपले सरकार केंद्रात जाऊन तत्काळ ई केवायसी करून घ्यावी, अन्यथा पैसे परत गेल्यास त्यास संबंधित शेतकरी जबाबदार राहतील. ई केवायसी प्रलंबित शेतकऱ्यांच्या याद्या सेतू व आपले सरकार केंद्रांना पाठविल्या आहेत, अशी माहिती तहसीलदार विशाल नाईकवाडे यांनी दिली. बाधित शेतकऱ्याचे आधार कार्ड, बँक पासबुक, स्वतःचा थंब, हे ई केवायसीसाठी आवश्यक आहे. (latest marathi news)

शिल्लक राहिलेली शेतकरी संख्या

-मार्च २०२३ अवकाळी पाऊस- ५२७

-२०२१-२२ गारपीट व अवकाळी पाऊस- १७३६

-सप्टेंबर, ऑक्टोबर २०२२ अतिवृष्टी- ३०

-सप्टेंबर, ऑक्टोबर २०२२ सततचा पाऊस- २,९०७

-नोव्हेंबर २०२३ अवेळी गारपीट- १,४८६

-एप्रिल २०२३ अवकाळी पाऊस- २६५