नाशिक : इराण युद्धामुळे गत सप्ताहात खाद्यतेलाच्या दरात ३ ते ५ रुपये दरवाढ झाली. वनस्पती तुपाच्या दरात १५ ते २० रुपये लिटर मागे दरवाढ झाली आहे. सणासुदीच्या काळात तेलाबरोबर वनस्पती तुपाचीही मागणी वाढते. कच्च्या तेलाच्या दरातील वाढीमुळे वनस्पती तुपाच्या दरातही तेजी आली आहे. इराण व इराक या देशांतून सूर्यफूल तेल व कच्च्या पाम तेलाची आयात केली जाते. (edible Oil prices rise due to war in Gulf countries )

गेल्या आठवड्यात तेलाच्या दोन जहाजांवरही हल्ला झाला होता त्या कारणामुळे ही दरवाढ झाली आहे. त्यामुळे भविष्यातही तेलाच्या भावात आणखी काही प्रमाणात तेजीची शक्यता आहे. सध्या नवरात्रीमुळे भगर, साबुदाणा, शेंगदाणे या उपवासाच्या पदार्थांना मागणी मोठ्या प्रमाणात असते. किरकोळ बाजार पेठेत साबुदाणा ७० ते ८० भगर १२० रुपये, शेंगदाणे १३० ते १४० रुपये, राजगिरा १२० रुपये किलो दर आहेत.

घाऊक बाजार पेठेत डाळींचे दरात तीन ते पाच रुपये किलो मागे घटले आहेत. तूर डाळ चारशे ते पाचशे क्विंटल मागे कमी होऊन १४५०० ते १५२००, मूंग डाळ तीनशे ते चारशेने कमी होऊन १०२०० ते १०७००, चना डाळ दोनशे ते अडीचशेने कमी झाले आहेत. डाळींचे दर भविष्यात साधारणतः स्थिर राहण्याचे संकेत दिले जात आहेत. (latest marathi news)

तेलाचे दर

सोया तेल एक लिटर १३० ते १३८

पाच लिटर ६८० ते ७१०

पंधरा किलो २१८० ते २२२०

सूर्यफूल तेल एक लिटर १३५ ते १४२

पाच लिटर ७१० ते ७३०

पंधरा लिटर २०८० ते २१३०

वनस्पती तूप

१५० ते १६५ रुपये लिटर

''मलेशियासह इराण व इराक या दोन्ही देशांकडून सूर्यफूल तेल व रॉ पाम तेलाची आयात होते. इराणच्या युद्धामुळे तेलाच्या दरात वाढ झाली आहे.''- रितेश बूब (घाऊक व्यापारी)