येसगाव : येथील बळीराजाला निसर्गाने भरभरून दान दिले असून गिरणा नदीच्या पाण्यामुळे उत्तर भागाकडील सर्व विहिरी जलसोत्राचा मोठा लाभ झाला. विहिरी पाण्याने तुडुंब भरू लागल्या आहेत. त्यामुळे यंदा रब्बी पिकाविषयी आशा द्विगुणित झाल्या आहेत. खरिपातील नुकसान रब्बी निघून येण्याची आशा आहे. (Farmers hope now on Rabi season)

परिसरात पाहिजे तसा पाऊस झालाच नाही. जेमतेम पाण्यावर खरीप पिके निघून येतात. पण रब्बीसाठी प्रश्न निर्माण व्हायचा. बागायत क्षेत्र व्यक्तिरिक्त येथील भागात कोणते पाट, कालव्याच्या पाण्याच्या चाऱ्या नाहीत. नदी, नाले, कोरडे राहत असल्याने दूर दूरच्या पाइपलाइन मुळे घराजवळील विहिरींमध्ये पाणी टाकले जाते.

उन्हाळ्यात ठिबक पद्धतीचा फळबागांना उपयोग होत असे. काही वर्षापासून उन्हाळ्यात शेतकऱ्यांनी आडव्या बोर ही केल्या. यंदा मात्र गिरणा नदीमुळे जमिनीतील पाण्याची पातळी वाढली. त्यामुळे परिसरातील आजूबाजूच्या कच्च्या विहिरी नाही पाणी येऊ लागले आहे.

रब्बी शेत सिंचनासाठी पाण्यामुळे मोठी सोय झाली आहे. शेतकऱ्यांना पिकांच्या व्यवस्थापन यावर अधिक लक्ष केंद्रित करता येईल. रब्बी गहू, हरभरे, तसेच सध्या कांद्यांना चांगला भाव मिळत असल्यामुळे शेतकरी कांदा पिकाकडे मोठ्या प्रमाणात कल दिसून येत आहे. (latest marathi news)

शेतकऱ्यांनी रब्बीच्या व्यतिरिक्त पाण्याची नियोजन व चांगले सिंचन व्यवस्थापन केले तर उन्हाळ्यातही उत्पादनात लक्षणीय वाढ होऊ शकते. पाण्याचे सुयोग्य नियोजन आणि शाश्वत शेतीसाठी सध्याची परिस्थिती अनुकूल आहे. उन्हाळ्यातही सर्वत्र शेती पावसाळ्यातील श्रावण ऋतू प्रमाणे हिरवीगार भासू शकेल.

"यावर्षी पाऊस चांगला झालाच नाही. परंतु गिरणा नदीला मोठ्या प्रमाणात बऱ्याच दिवसापासून पाणी वाहत असल्यामुळे जमिनीतील पाण्याची पातळी वाढली. त्यामुळे उत्तर भागातील विहिरींना पाणी उतरले. रब्बीतील पिके निघून येण्याची आशा आहे."

- सतीश डी. शेलार, शेतकरी, येसगाव खुर्द