Nashik news : दुष्काळामुळे गुरांना चारा व पाणी विकत घेण्याची वेळ शेतकऱ्यांवर ओढवलेली असताना वन्य प्राण्यांसाठी सामाजिक संघटनांनी पाणवठे तयार केले आहेत. तर मातीच्या भांड्यातील पाणी पशू-पक्ष्यांसाठी संजिवनी ठरत आहे. पावसाअभावी धरणे कोरडी पडत चालली आहेत. मुख्य धरणांमध्ये पाणी दिसत असले तरी नद्या, नाल्यांना पाणीच राहिलेले नाही. त्यामुळे वन्यप्राण्यांना पाण्यासाठी भटकंती करावी लागते. ()

नेहमीच्या जंगलात किंवा डोंगर दर्यांमध्ये राहणारे वन्यजीव पाण्याच्या दिशेने स्थलांतरित होत आहे. पण तेथील वातावरण त्यांना मानवत नसल्याने आपल्या मूळच्या ठिकाणीच प्राणी व पक्षी राहणे पसंत करतात. त्यांच्यासाठी पर्यावरणप्रेमी, सामाजिक संघटनांनी पाणी उपलब्ध करून देण्यासाठी पाणवठे तयार केले आहेत.

पाणवठ्यात साठलेले पाणी वन्यप्राण्यांना संजीवनी ठरत आहे. उन्हाचा पारा दिवसेंदिवस वाढत चालला आहे. त्यात ग्रामीण भागात टँकरने पाणीपुरवठा होत असल्यामुळे वन्यप्राण्यांचे अतोनात हाल होत असल्याचे दिसून येते. पाण्यासाठी भटकंती करण्याची वेळ आली आहे.(latest marathi news)

''पक्ष्यांना पुरेल एवढे पाणी सहज उपलब्ध असल्यामुळे नांदुरमध्यमेश्‍वरला वेगवेगळे पक्षी दिसतात. काही दिवसांपूर्वी व्हाइट स्टार्क दिसला. सद्यस्थितीस पक्षांचे स्थलांतर झालेले नसले तरी प्रमाणही कमी झालेले नाही.''-गंगाधर आघाव, पक्षिमित्र

''पाणवठ्यांमुळे वन्यप्राणी वाचले आहेत. नदी, नाल्यांमध्ये पाणीच नसल्यामुळे पाणवठेच या प्राण्यांना संजीवनी देतात. दुष्काळग्रस्त भागातील प्राण्यांकडे लक्ष देण्याची गरज आहे. वनविभागाच्या उपाययोजना तोकड्या पडत असून, सामाजिक संघटनांनी पुढाकार घेतला पाहिजे.''-राम खुर्दळ, गडकोट संवर्धन समिती