Nashik News : इयत्ता बारावीनंतर पाच वर्षे कालावधीच्‍या विधी शाखेतील पदवी अभ्यासक्रम एलएल.बी.च्‍या सीईटी परीक्षेच्‍या तारखेत पुन्‍हा बदल केला आहे. आता सुधारित तारखेनुसार ३० मेस राज्‍यस्‍तरावर सीईटी परीक्षा घेतली जाईल. यापूर्वी वेगवेगळ्या कारणांनी विविध अभ्यासक्रमांच्‍या सीईटी परीक्षांमध्ये बदल करण्यात आला होता. (LLB of CET Exam Date change again)

यात पाच वर्षे कालावधीच्‍या एलएल.बी.च्‍या तारखेतही बदल केला होता; परंतु सुधारित तारखेच्‍या दिवशीच २२ मेस नॅशनल टेस्‍टिंग एजन्‍सीतर्फे कॉमन युनिव्हर्सिटी एंट्रन्स टेस्ट (सीयूईटी) यूजी- २०२४ परीक्षेचे आयोजन केलेले असल्‍याचे समोर आले होते. (latest marathi news)

त्‍यामुळे आता सीईटी सेलने विधी सीईटी शाखेची सीईटी परीक्षा पुढे ढकलण्याचा निर्णय घेतला आहे. दुसऱ्यांदा सीईटी परीक्षेच्‍या तारखेत बदल करण्यात आल्‍याने पालक व विद्यार्थ्यांकडून नाराजी व्‍यक्‍त केली जाते. सध्याच्‍या वेळापत्रकानुसार ३० मेस सीईटी परीक्षा होणार आहे.