नाशिक : राष्ट्रवादी काँग्रेसच्या शरद पवार गटाचे आमदार रोहित पवार हे जळगावकडे जात असतानाच नाशिकमध्ये अचानक मुक्कामी थांबल्याने महाविकास आघाडीमध्ये धडकी भरली आहे. नाशिकची जागा राष्ट्रवादी काँग्रेसच्या शरद पवार गटाला सोडावी अशी मागणी राष्ट्रवादीमधून जोर धरू लागली आहे, त्या पार्श्वभूमीवर आमदार रोहित पवार यांचा मुक्काम महाविकास आघाडीत चर्चेला आला आहे. (Nashik lok sabha election 2024 MLA Rohit Pawar stay)
भारतीय जनता पक्षासाठी नाशिकची जागा सोडावी या मागणीसाठी पक्षाच्या कार्यालयात प्रथमच आंदोलन झाले. हे आंदोलन होत असताना दुसरीकडे महाविकास आघाडीमधील राष्ट्रवादी काँग्रेसच्या शरद पवार गटाने देखील नाशिकच्या जागेसाठी आग्रह धरला आहे. नाशिकची जागा महाविकास आघाडीमध्ये उद्धव बाळासाहेब ठाकरे गटाकडे आहे.
मात्र राष्ट्रवादी काँग्रेसच्या शरद पवार गटाची ताकददेखील असल्याने नाशिकची जागा या गटाकडे सोडावी यासाठी राष्ट्रवादीचे पदाधिकारी आग्रही आहेत. आमदार पवार हे जळगावच्या चोपडा मतदारसंघाकडे जात असताना सोमवारी (ता.१८) त्र्यंबकेश्वर येथे धार्मिक कार्यक्रमासाठी थांबले. त्यानंतर नाशिकमध्ये त्यांनी मुक्काम केला. (latest marathi news)
यावेळी राष्ट्रवादी काँग्रेसच्या काही पदाधिकाऱ्यांनी त्यांची भेट घेत नाशिक लोकसभेची जागा राष्ट्रवादी काँग्रेसला सोडावी अशी मागणी केल्याचे समजते. राष्ट्रवादी काँग्रेससाठी नाशिक मतदारसंघ हा अनुकूल आहे. त्यामुळे राष्ट्रवादी काँग्रेससाठी नाशिकची जागा मागण्याची हिच वेळ असल्याचे त्यांच्याकडे मागणी करण्यात आल्याचे समजते. एकंदरीत आमदार पवार यांच्या नाशिक दौऱ्यामुळे महायुतीप्रमाणे महाविकास आघाडीमध्ये देखील आलबेल नसल्याची चर्चा आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.