Nashik Lok Sabha Election 2024 Result : समाजात घडणाऱ्या प्रत्येक घटनेचे प्रतिबिंब हे सोशल मीडियावर पडत असते. सध्या लोकसभा निवडणुकीचे देशभर वारे वाहत असताना, त्याचे चांगले-वाईट पडसाद हे सोशल मीडियावर पडले असून, मजेशीर संदेश असणारे मिम्सचा अक्षरश: पाऊसच पडला आहे. (Lok Sabha Election 2024 Result Memes)

लोकसभा निवडणुकीची मतमोजणी आज झाली. यात काही धक्कादायक निकाल लागले आहेत. तर, काही ठिकाणी चुरशीच्या लढतीनंतर निकाल लागले. त्यावरून सोशल मीडियावर नेटकर्यांनी गंमतीशीर मिम्स व्हायरल केले. काही मिम्सची तर खूपच चर्चा होऊन मोठ्याप्रमाणात व्हायरलही झाले.

यात, राष्ट्रवादीच्या शरदचंद्र पवार गटाचे प्रमुख शरद पवार यांच्याविषयी नेटकऱ्यांनी ‘बाप... बाप होता है....’ अशा आशयाचा संदेश देत मिम्स व्हायरल केले असून, त्यास मोठ्या संख्येने पसंती मिळत गेल्याचे पहावयास मिळाले. त्याचप्रमाणे, कांद्याचे फोटो व्हायरल करीत काहींनी पराभूत उमेदवारांच्या डिवचण्याचा प्रयत्न केला आहे. (latest marathi news)

एका नेटकऱ्याने तर, राज ठाकरे यांच्या छायाचित्राशेजारी ‘च्यायला, मी ज्या पंगतीला बसतो, नेमके माझ्यावेळीच जेवण कसे संपते....’ असा संदेशासह मिम्स व्हायरल केले आहे. तर, काही नेटकऱ्यांनी आपल्या उमेदवारांच्या नावाने जरघोष करीत रिल्स सोशल मीडियावर व्हायरल केल्या आहेत. अशा एक ना अनेक मिम्स आणि रिल्सचा पाऊसच सोशल मीडियावर पडला होता.