नाशिक : नाशिकरोड परिसरातील मुक्तीधाम मैदानाच्या पाठीमागे राहत्या घरापासून पायी जाणाऱ्या विवाहितेची सोन्याचे मंगळसूत्र मोपेडवरून आलेल्या सोनसाखळी चोरट्यांनी खेचून नेली. दिया सोनलाला मेडतीया (रा. पूज्यसीताई सोसायटी, जयभवानी रोड, नाशिकरोड) यांच्या फिर्यादीनुसार, मंगळवारी (ता. १) रात्री साडेनऊच्या सुमारास त्या आनंदनगरमधील श्री गणेश प्राईड बिल्डिंगसमोरून पायी जात होत्या. (married woman was pulled mangalsutra in Nashik Road area )

त्यावेळी काळ्या रंगाच्या मोपेडवरून आलेल्या दोघांपैकी पाठीमागे बसलेल्या संशयिताने विवाहितेच्या गळ्यातील ५० हजारांे २० ग्रॅमचे सोन्याचे मंगळसूत्र हिसकावून इगल सपोर्ट मैदानाच्या दिशेने पोबारा केला. याप्रकरणी उपनगर पोलिसात जबरी चोरीचा गुन्हा दाखल करण्यात आला आहे. सहायक उपनिरीक्षक शेजवळ तपास करीत आहेत.