Nashik MD Drug Case : मुंबई पोलिसांनी शुक्रवारी (ता. ६) नाशिकमध्ये एम. डी. ड्रग्ज प्रकरणी मोठी कारवाई केल्यानंतर शनिवारी नाशिक रोड पोलिसांनी एक मोठी कारवाई करत एमडी ड्रग्जचा मोठा साठा जप्त केला आहे.

या ड्रग्जची किंमत जवळपास ३०० कोटी रुपये असल्याचे बोलले जात आहे. शिंदे गावातच ही दुसरी कारवाई केल्यामुळे खळबळ निर्माण झाली आहे. (Nashik MD Drug Case company in Shinde village bogus Crime)

गुन्हे शोध पथकाने कारखाना शोधून काढत ही कारवाई केली, तर दुसरीकडे ही कंपनीच बोगस असून, या कंपनीबाबत कुठलीच नोंद उद्योग विभागासह इतर सरकारी यंत्रणाकडे नसल्याचे आज समोर आले.

शिंदे एमआयडीसी येथील प्लॉट क्रमांक ३५ वरील श्री गणेशाय इंडस्ट्रीज या नावाची कंपनीची नोंद शासनाच्या कोणत्याही विभागाकडे नसल्याचे समोर येत आहे. ग्रामीण भागात ही कंपनी असल्याने याकडे यंत्रणांचे साफ दुर्लक्ष झाल्याचे बोलले जात आहे.

ग्रामीण भागाचा फायदा घेऊन पाटील बंधूंनी नाशिकमधील सहकारीच्या मदतीने एम. डी. ड्रग्जचे मुख्य केंद्र बनविल्याचे उघड झाले आहे.