सिन्नर : तालुक्यातील पूर्व भागासह दापूर चापडगाव येथे मान्सून पूर्व पावसाने हजेरी लावली आहे. जोरदार झालेल्या मान्सून पूर्व पावसामुळे हवेत कमालीचा गारवा निर्माण झाला होता. (Nashik Presence of pre monsoon rains in Sinnar)

सिन्नर तालुक्यातील पूर्व भागासह मेंढी वडांगळी सोमठाने देवपूर निमगाव , चापडगाव दापूर आदी परिसरात पावसाने सोमवारी दुपारी ४:३० वाजेच्या सुमारात जोरदार हजेरी लावली. अचानक आलेल्या पावसाने नागरिकांची काहीशी तारांबळ उडाली.

गेली दोन दिवसात सिन्नर तालुक्यातील परिसरात कमालीचा उकाडा जाणवत होता त्यातच सोमवारी दुपारी साडेचार वाजता अचानक पावसाने हजेरी लावल्याने हवेत गारवा निर्माण झाला आहे. तालुक्यासह शहरात पाणी कपात केल्याने नागरिक आणि शेतकरी आभाळाकडे डोळे लावून बसले आहेत. पावसानं बरसावं अशीच प्रार्थना बळीराजा करीत आहे.