Nashik Vidhan Sabha Election Banners : विधानसभेच्या आगामी निवडणुकीच्या दृष्टीने जिल्हाधिकारी जलज शर्मा यांनी सूचना जारी केल्या आहेत. जागामालकाच्या परवानगीशिवाय नेत्यांचे बॅनर लावता येणार नाही, तसेच मालकास धमकावल्यास कारवाईचा इशारा जिल्हाधिकाऱ्यांनी दिला आहे. (Putting up banners of leaders without permission illegal)

पुढील आठवड्यात विधानसभा निवडणूक आचारसंहिता लागू होण्याची शक्यता आहे. आचारसंहिता अंमलबजावणी करताना शासकीय परिसर, मालमत्तेचे विद्रूपीकरण, सार्वजनिक मालमत्ता, परिसराचा गैरवापर, खासगी मालमत्तेचे विद्रूपीकरण या संदर्भात सूचना केल्या आहेत.

मार्गदर्शक सूचना

- शासकीय इमारतीची भिंत रंगविणे, लेखन करणे, पोस्टर, बॅनर चिकटविणे, झेंडे लावणे, कटआउट व होर्डिंग उभारण्यास बंदी

- राजकीय जाहिरात सार्वजनिक उपक्रमांच्या मालकीच्या इमारतीवर व जागेत प्रदर्शित करता येणार नाही

- खासगी जागा आणि घरांवर झेंडे लावताना, बॅनर व पोस्टर लावताना संबंधित जागामालकाची परवानगी घ्यावी

- निवडणूक निर्णय अधिकाऱ्यांकडे जागामालकाची संमती असल्याची प्रत द्यावी- राजकीय जाहिरात, झेंडे, बॅनर, पोस्टर लावताना जागामालकाला धाक-दडपशाही करता कामा नये

- खासगी वाहनावर झेंडे, स्टीकर लावून उमेदवारांचा प्रचार करता येणार नाही