Nashik Rain Crisis : मुस्लिम बांधवांकडून शुक्रवारच्या विशेष नमाजाचे औचित्य साधत पावसासाठी विशेष सामुदायिक दुवा पठण केली. शेकडो मुस्लिम बांधवांनी विविध मशिदीमध्ये एकत्र येत प्रार्थना केली.

बडी दर्गा परिसरातही सुमारे १०० ते २०० बांधवांकडून आकाशाकडे हात उंचावून दुवा केली. राज्य तसेच शहर जिल्ह्यावरील दुष्काळाचे सावट दूर होवो. (Nashik Rain Crisis Exclusive dua pathan for rain from minorities)

हेही वाचा : Credit Card फसवणूक....काय घ्याल काळजी?

मुबलक पाऊस पडो, यासाठी मुस्लिम बांधवांकडून शुक्रवारी विशेष नमाजाचे औचित्य साधत विशेष दुवा पठण करण्यात आली. नमाज होताच बडी दर्गा परिसरात सुमारे १०० ते २०० मुस्लिम बांधवांनी एकत्र येत हाफीज अजमोद्दिन आणि वसीम पिरजादे यांच्या नेतृत्वाखाली आकाशाकडे हात उंचावून पावसासाठी सामूहिक दुवा केली.

याचप्रमाणे शहराच्या अन्य मशिदीमध्येदेखील अशा प्रकारची दुवा करण्यात आली. तर मालेगावसह अन्य काही गावांमध्ये पावसासाठी असलेली विशेष नमाज पठण करण्यात आली.

या वेळी हाफीज गुलमोहम्मद, हाजी हसीब पिरजादे, एजाज मकरानी, मोबिन पिरजादे, लकी पिरजादे, हसनैन पिरजादे, अरमान पिरजादे, कुतबुह शेख, सुफियान पिरजादे, जुनैद पिरजादे, सादिक पिरजादे आदी उपस्थित होते.