Nashik Rain Update : वरूणराजा रूसल्याने शहर व परिसरात दुष्काळी परिस्थिती निर्माण झाली आहे. खरीप हंगाम वाया गेला आहे.

पावसाच्या थेंबाला आसुसलेल्या शहर व परिसरात चाळीस दिवसांच्या खंडानंतर बुधवारी (ता.६) सायंकाळी हलक्याशा पावसाने हजेरी लावली. (Nashik Rain Update City receives rain after 40 day break)

यापूर्वी शहर व परिसरात २७ जुलैला अखेरचा पाऊस झाला होता. त्यावेळी देखील फक्त डोंगराळे, कौळाणे नि., जळगाव व निमगाव मंडलात पाऊस झाला होता. यावेळी सरासरी ५९ मिलीमीटर पावसाची नोंद झाली होती.

तालुक्यात आज अखेर फक्त १३२ मिलीमीटर पावसाची नोंद झाली आहे. आगामी काळात सलग जोरदार पाऊस झाल्यास किमान पिण्याचे पाणी व चारा प्रश्न काही प्रमाणात सुटण्यासाठी हातभार लागणार आहे.

शहरात दोन दिवसाआड तर ग्रामीण भागात आठ ते दहा दिवसाआड पाणीपुरवठा सुरू आहे. धरणे, नदी, नाले, गावतळी कोरडीठाक आहेत. यामुळे शेतकरी, कामगार, शेतमजूर, व्यवसायिक व सर्वच घटक ' पड रे पाण्या ' अशी आळवणी करीत आहे.

हेही वाचा : Credit Card फसवणूक....काय घ्याल काळजी?

२७ जुलैला झालेल्या पावसाची मंडलनिहाय स्थिती (मिलीमीटरमध्ये)

मालेगाव ०२.००

दाभाडी ०१.००

अजंग ००.००

वडनेर ०६.००

करंजगव्हाण ०४.००

डोंगराळे १३.००

झोडगे ०१.००

कळवाडी ०४.००

कौळाने नि ११.००.

जळगांव नि. ०७.००.

सौदाने ००.००

सायने ००.००

निमगाव १०.००