गिरणारे/गंगापूर (जि. नाशिक) : तीन दिवसांपासून मुसळधार बरसणाऱ्या पावसामुळे नाशिक जिल्ह्याच्या पश्चिम पट्ट्यातील अनेक कोरड्याठाक पडलेल्या नद्या, नाले, वाहू लागले. या भागातील गंगापूर, कश्यपीचा पाणीसाठा ही वाढत असला तरी गुजरात-महाराष्ट्र सीमेवर दमण गंगेच्या काठावर असलेल्या श्री क्षेत्र दावलेश्वर (ता. त्रंबकेश्वर) देवस्थान दमनगंगेच्या पुरात मनसोक्त बुडले होते. (Damanganga river is flooded due to torrential rains)

या ठिकाणी असलेल्या ४५ फूट उंचीचा हनुमानाची उभी मूर्तीच्या कंबरेपर्यंत पुराचे पाणी आले होते. दरम्यान आषाढी एकादशीला सुरू झालेला उशिरा आलेल्या पावसाने पश्चिम पट्ट्यात हरसूल, भूत मोखाडा रस्त्यावर दरड कोसळल्या, तर या भागातील भाताची आवणी केलेली उभी पिके पाण्याखाली गेली असल्याची माहिती स्थानिक शेतकऱ्यांनी दिली आहे. दरम्यान जूनपासून दडी मारून बसलेला पाऊस पश्चिम पट्ट्यात दोन दिवसांपूर्वी वाघेरा, वेळूनजे, हरसूल, ठाणापाडा, खरशेत, भागात धो-धो बरसला, जणू ढगफुटी सदृश्य परिस्थिती निर्माण झाल्याने या भागातील प्रमुख नदी असलेली दमनगंगेला पूर आला होता,पुरात नदीकाठची आजूबाजूची शेती होती व दावलेश्वर येथील महादेव मंदिर जोतिर्लिंग, तसेच हभप वैकुंठवासी बापूबाबांचे स्मृतीसमाधीमंदिर पाण्यात होते. एकूणच हा महापूर होता असे स्थानिक शेतकऱ्यांनी संगितले.

पाऊस उशिरा आल्याने रखडलेल्या आवण्या मोठ्या जोमात सुरू झाल्या मात्र बुधवार पासून जोरदारपणे बरसणाऱ्या पावसाने मात्र भात आवणी केलेल्या शेतात तलाव झाला होता,तर त्यामुळं कित्येक भात शेती वाहून ही गेली. दरवर्षी भात पिकाला ग्रहण लागते,त्यात या पावसाने खरशेत रस्त्यावर असलेल्या दमनगंगेला महापूर आला होता.या पुरात तीर्थ दावलेश्वर मंदिरांसह परीसर पाणीमय होता.तास धबधबा ओसंडून वाहत होता. - देवचंद महाले (शेतकरी)

(Damanganga river is flooded due to torrential rains)