वणी : मराठा समाजाला ओबीसीत आरक्षण देण्याच्या आग्रही मागणीसाठी मनोज जरांगे पाटील यांनी शनिवारी रास्ता रोकोची हाक दिली होती. त्यांच्या या आंदोलनास पाठींबा देण्यासाठी वणीतील सकल मराठा समाजाच्या वतीने रास्ता रोको करण्यात आला. (nashik Maratha community rasta roko at Vani marathi news)

राज्य सरकारने मराठा समाजाला 10 टक्के आरक्षण देण्याचा निर्णय घेतला आहे. पण मनोज जरांगे पाटील यांनी हे आरक्षण फेटाळून लावत मराठा समाजाला ओबीसीत आरक्षण देण्याची मागणी केली आहे. त्यांनी यासंबंधी सगेसोयरे अधिसूचनेच्या तत्काल अंमलबजावणीचाही आग्रह धरला आहे.

त्यांच्या निर्देशांनुसार या प्रकरणी निषेध नोंदविण्यासाठी वणीतील सकल मराठा समाजाच्या वतीने येथील महाविद्यालयासमोर सापूतारा - नाशिक रस्त्यावर सकाळी ११ वा. सुमारे अर्धा तास रास्ता रोको करण्यात आला. यावेळी रस्त्याच्या दुतर्फा लांबच लांब रांगा लागल्या होत्या. (Latest Marathi News)

यावेळी दिं. कृ उ.बा. समितीचे सचांलक व ओझरखेड ग्रा. पालिकेचे सरपंच गंगाधर निखाडे यांनी ही उपस्थित मराठा समाजच्या आंदोलकांना मार्गदर्शन करत सरकारवर टिका केली. येणाऱ्या काळात सामान्य जनतेला त्रास होणार नाही याची दक्षता घेत मनोज जरांगे सांगतील या प्रमाणे आंजोलनाची पुढील भुमिका ठरवणार असल्याचे त्यांनी सांगितले. या वेळी सकल मराठा समाजाचेवतीने सहाय्यक पोलिस निरीक्षक सुनिल पाटील यांना निवेदन देण्यात आले.

तालुकाध्यक्ष बाळासाहेब घडवजे, गणेश देशमुख, सचिन पवार, गणेश कड, राहुल मोरे, काका पवार, संजय कामाले, शशी मातेरे शुभम खांडे, अमोल महाले, प्रविण सोनवणे, सोनू बर्डे, सनी गोलांडे, राजू गोलांडे, नंदू महाले, सचिन कड, दादा पवार, विठ्ठल धोंगडे, सचिन गायकवाड 'दिंडोरी तालुका मेडिकल असोसिएशन सदस्य प्रवीण कड, प्रवीण गायकवाड निखिल महाले, किरण पानसरे, राजू महाले, किरण पानसरे, विजय गोरे, हर्षल कड, रिंकू पाटील आदींनीसह शेकडो मराठा समाज बांधवांनी रास्ता रोकोत सहभाग नोंदवला.