SAKAL Impact : सीबीएस चौकातील वाहतूक पोलिस चौकीस कचराकुंडीचे स्वरूप आले होते. तसेच रात्रीच्या वेळी चौकी मद्यपीचे आश्रयस्थान ठरत. याबाबतचे वृत्त ‘सकाळ’ मध्ये प्रसिद्ध करण्यात आले होते. याची दखल घेत संबंधित यंत्रणेकडून या पोलिस चौकीची स्वच्छता करण्यात आली. उन्हाचा चटका आणि पावसापासून बचावासाठी सीबीएस सिग्नलवर नियुक्त असलेल्या वाहतूक पोलिसांसाठी चौकात चौकी बसवण्यात आली आहे. ( police station was cleaning at cbs )

परंतु, वापरा अभावी चौकीची प्रचंड दुरवस्था झाली आहे. याची संधी साधत चौकातून ये-जा करणारे नागरिक, भिकारी तसेच मद्यपी यांनी विविध प्रकारचा कचरा चौकीत टाकून चौकीस कचराकुंडी करून टाकले होते.रात्रीच्या अंधारात मद्यपी चौकीचा आधार घेत मद्य प्राशन करत बाटल्या तेथेच फेकून निघून जात. परिसरात नियुक्त वाहतूक पोलिसांचे याकडे दुर्लक्ष होत होते. (latest marathi news)

दिवसेंदिवस चौकीतील कचऱ्याचे प्रमाण वाढत होते. चौकीसह परिसरास बकाल स्वरूप आले होते. कचऱ्यामुळे परिसरात दुर्गंधीही पसरली होती. याबाबतचे वृत्त ‘सकाळ’ मध्ये प्रसिद्ध करण्यात आले होते. या वृत्ताची दखल घेत चौकीची स्वच्छता करण्यात आली. त्यामुळे परिसरातील दुर्गंधी कमी झाली आहे. परिसरातील नागरिकांनी समाधान व्यक्त केले.