त्याला शब्दच सुचेना...

चारचौघांत बोलणे वेगळे आणि व्यासपीठावर विचार मांडणे, यात बरेच अंतर असते. मित्रांच्या घोळक्यात बढाया मारणाऱ्या एका कार्यकर्त्याचा सार्वजनिक कार्यक्रमात चांगलाच पाणउतारा झाला. त्याचे झाले असे, की एका स्पर्धेच्या पारितोषिक वितरण समारंभाचा कार्यक्रम होता.

पाहुणे येण्यापूर्वी फुशारक्या मारणारा कार्यकर्ता सभागृहात पहिल्याच खुर्चीवर येऊन बसला आणि रिल्स पाहत बसला. सूत्रसंचालकाने शक्कल लढवत कार्यकर्त्याला कोणतीही कल्पना न देता अचानक व्यासपीठावर प्रास्ताविक करण्यासाठी बोलावले.

भांबावलेला कार्यकर्ता कसाबसा व्यासपीठावर उभा राहिला खरा; पण काय बोलावे तेच कळेना... काहीतरी बोलायचे ते बोलला आणि परत जागेवर जाऊन बसला. काही वेळापूर्वी गप्पा ठोकणाऱ्या कार्यकर्त्याला पंखा जोरात सुरू असतानाही चांगलाच घाम फुटला.

(nashik SAKAL Special chalta bolta He doesnt know words marathi news)