विजय आपलाच, तरी नाराज...

नाशिक लोकसभा मतदारसंघातून शिवसेना ठाकरे गटाकडून जिल्हाप्रमुख विजय करंजकर यांच्या नावाची चर्चा होती. मात्र उमेदवारांची यादी जाहीर झाली अन् त्यातून करंजकरांचा पत्ता कट झाला आणि राजाभाऊ वाजे यांना उमेदवारी जाहीर झाली. उमेदवारी जाहीर झाल्यानंतर राजाभाऊ वाजे यांनी जोरदार शक्तिप्रदर्शन करत पक्षप्रमुख उद्धव ठाकरे यांची भेट घेतली.

त्या वेळी ‘विजय आपलाच आहे’, असे ठाकरे म्हणाले. नाशिक शिवसेनेची सर्व कार्यकारिणी या भेटीवेळी उपस्थित होती. मात्र जिल्हाप्रमुख असलेले विजय करंजकर दिसले नाहीत. त्यामुळे जर विजय आपलाच आहे, तर मग तो नाराज का आहे, असा सवाल शिवसेनेचे हितचिंतक करू लागले आहेत.

(nashik SAKAL Special chalta bolta Victory is yours but upset marathi news)

गजनी स्टार

काही लोकांना विसरण्याची फार सवय असते. चालता-बोलता ते गोष्टी विसरतात. याची आठवण होण्याचे कारण म्हणजे, स्वभावाने लेखक असलेल्या एका व्यक्तीची कार्यालयात नियुक्ती होते. आता नवीन जबाबदारी खांद्यावर आल्यामुळे आपला वरचष्मा दाखविण्यासाठी त्यांचे प्रयत्न चालू होतात. संपूर्ण जिल्हाभर प्रस्त निर्माण व्हायला हवे म्हणून कानाकोपऱ्यातील मित्रांना, सहकाऱ्यांना फोन लावून ते विचारणा करू लागले.

एक दिवस अचानकपणे अनेक वर्षांपासूनचा मित्र त्यांना भेटायला कार्यालयात येतो. बराच वेळ गप्पा मारल्यानंतर हा गजनी भाऊ त्याला ‘तुझे नाव काय’, म्हणून विचारतो. ‘अरे, तू माझे नावच विसरला, असाकसा मित्र’, म्हणून त्रागा करून हा मित्र तेथून निघून जातो. आपला आता गजनी झाल्याचे लक्षात येताच भाऊंनाही थोडे वाईट वाटते, पण करणार काय...  (latest marathi news)