नाशिक : नाशिक येथील शाळेत जाणाऱ्या लहान मुलांचा एक व्हिडिओ व्हायरल झाला आहे. नदीच्या पाण्यातून जिवघेणा प्रवास करून हे मुलं नदी ओलांडत असल्याचं या व्हिडिओत दिसत आहे. तर काही व्यक्ती त्या विद्यार्थ्यांना खांद्यावर बसवून नदी ओलांडायला मदत करत आहेत. हा व्हिडिओ नाशिक जिल्ह्यातील पेठ तालुक्यातील असून सदर नदीवर पूल बांधण्यात यावा अशी मागणी करण्यात येत आहे.

(Nashik Viral Video)

दरम्यान, लहान मुलांना शाळेत जाण्यासाठी खोल पाणी असलेली नदी ओलांडावी लागते. तर लहान लहान मुलांना पातेल्यात बसवून नदीच्या पलीकडे नेण्यात येत असल्याचं पहायला मिळत आहे. त्याबरोबर काही व्यक्ती विद्यार्थ्यांना खांद्यावर बसवून नदी ओलांडण्यासाठी मदत करताना या व्हिडिओत दिसत आहे.

राज्यात यावर्षी काही ठिकाणी मोठ्या पावसामुळे पूर आला होता. त्यातच पूल वाहून जाणे, रस्त्यावर पाणी येणे अशा घटना घडल्या आहेत. त्यामुळे अनेक ठिकाणी शाळेतील मुलांना शाळेत जाण्यासाठी अडचणी निर्माण झाल्या आहेत. त्याचबरोबर असे अनेक व्हिडिओ व्हायरल होत असून शाळेत जाण्यासाठी सोय करण्याची मागणी केली जात आहे.