Nashik Sharad Pawar : राष्ट्रवादीचे अध्यक्ष शरद पवार (Sharad Pawar) यांचे अतिशय विश्वासू असलेले येथील आमदार छगन भुजबळ यांनीच बंड करत उपमुख्यमंत्री अजितदादा पवार यांच्या गटात सहभागी झाल्याने त्यांच्या मतदारसंघातूनच पक्ष बांधणीचा एल्गार ज्येष्ठ नेते शरद पवारांनी पुकारला आहे. (nashik Sharad Pawar To hold meeting on 8th july nashik news)

यापूर्वी प्रत्येक वेळेस शरद पवारांनी भुजबळ यांची बाजू घेत पक्षात त्यांना साथ दिली,तरीही ते पवारांना सोडून गेल्याने भुजबळांचे येथील विरोधक व ज्येष्ठ नेते माणिकराव शिंदे यांनी आज सिल्वर ओक येथे शरद पवारांची भेट घेतली.

हेही वाचा : Credit Card फसवणूक....काय घ्याल काळजी?

शिंदे व पवारांचे अतिशय जुने नाते आहे किंबहुना पवारांनी राज्य कापूस पणन महासंघाचे अध्यक्षपद देखील शिंदे यांच्या पत्नी उषाताई शिंदे यांना दिले होते.

हे जुने नाते वृद्धिंगत करत आज शिंदे यांनी जाहीर पाठिंबा देऊन मुंबईत पवारांची भेट घेतली. यावेळी आठ तारखेला दुपारी तीन वाजता येवल्यात सभा घेण्याचे पवार साहेबांनी मान्य केल्याची माहिती शिंदे यांनी दिली.