अंबासन, (जि.नाशिक) : बागलाण तालुक्यातील खिरमाणी येथील फाट्यावर सटाणा आघारातील प्रतापपुर, सटाणा हि बस बस थांब्यावर प्रवासी घेत असताना अचानक पेट घेतल्याने बस आगीत खाक झाल्याची घटना तीन वाजेच्या सुमारास घडली सुदैवाने ३५ ते ४० बसमधील प्रवासी समयसूचकतेने खाली उतरल्याने जिवितहानी टळली. सटाणा अग्निशमन दलाने आग आटोक्यात आणली. (nashik sudden fire broke out bus in ambasan )

 सद्या उन्हाची कमालीची तीव्रता वाढल्याने दुपारी रस्त्यावर वाहने कमी प्रमाणात दिसून येत आहेत. दरम्यान सटाणा आघारातील परिवहन मंडळाची बस क्रमांक (एमएच २०, बीएल ४२५१) ही दुपारी तीनच्या सुमारास प्रतापपुरहून सटाण्याच्या दिशेने धावत असताना खिरमाणी फाट्यावर एका प्रवाशाकरीता बस थांबवली तोच इंजिनमधून अचानक धूर निघत असल्याचे चालक रतन ह्याळीज यांच्या निदर्शनास आले त्यांनी ताबडतोब बसमधून उडी मारली व वाहक गोकुळ सूर्यवंशी दोघांनी बसमधील ३५ ते ४० प्रवाशांना ताबडतोब बसमधून उतरण्याच्या सुचना केल्या प्रवाशांनी जीव वाचविण्यासाठी मिळेल त्या ठिकाणाहून उड्या घेऊन बाहेर पडले.

बघताबघता धुराच्या लोळातुन बस आगीच्या रौद्र रूपात घेरली गेली होती. स्थानिक नागरिकांनी व ग्रामसेवक दिनेश कापडणीस यांनी ताबडतोब वरीष्ठ कार्यालयात माहिती दिली. काही वेळातच सटाणा अग्निशमन दल दाखल होत आगीवर नियंत्रण मिळवले होते. भयानक आगीमुळे बसचा सांगाडा उरला होता. दरम्यान घटनास्थळी पोलीस प्रशासन तसेच राजेंद्र आहिरे आघार व्यवस्थापक दाखल झाले होते. ही बस सायंकाळी सटाणा रावळगाव मुक्कामी बस जाणार होती असे आघार व्यवस्थापक श्री. आहिरे यांनी 'सकाळ'शी बोलताना सांगितले.