Nashik Teacher Constituency : नाशिक विभाग शिक्षक मतदारसंघाच्या निवडणुकीत उमेदवारी अर्ज भरण्याच्या प्रक्रियेला सुरवात झाली असून, पहिल्याच दिवशी दोन उमेदवारांनी तीन अर्ज दाखल केले आहेत, तर ३९ जणांनी अर्ज नेले आहेत. ( 3 applications on first day for teachers constituency)

येत्या २६ जूनला ही निवडणूक होणार असून, शुक्रवारी (ता. ३१) पहिल्या दिवशी कोपरगावचे विवेक बिपिन कोल्हे यांनी दोन अर्ज दाखल केले. दुसरा अर्ज छगन भिकाजी पानसरे यांनी दाखल केला. उमेदवारी अर्ज दाखल करण्याची शेवटची मुदत ७ जून असून, १० जूनला छाननी होणार आहे. १२ जूनला अर्ज मागे घेण्याची मुदत आहे. नाशिक, नंदुरबार, नगर, धुळे, जळगाव या पाच जिल्ह्यांतून एकूण ७० हजार ३४१ मतदार मतदानाचा हक्क बजावणार आहेत.