Nashik Water Cut : स्मार्ट सिटी कंपनीमार्फत बारा बंगला जलशुद्धीकरण केंद्र येथे रॉ वॉटर पाइप लाइनमधून कनेक्शन करणे तसेच ६०० मिलिमीटर व्यासाचे पवन नगर रायझिंग मेनचे कनेक्शन जोडण्याचे काम केले जाणार आहे. त्यामुळे गंगापूर धरण पंपिंग स्टेशन येथील पंपिंग बंद ठेवावे लागणार आहेत. (Nashik Water cut in city on Saturday marathi news)

परिणामी बारा बंगला जलशुद्धीकरण केंद्र, पंचवटी जलशुद्धीकरण केंद्र, निलगिरी बाग जलशुद्धीकरण केंद्र, गांधीनगर जलशुद्धीकरण केंद्र, नाशिकरोड जलशुद्धीकरण केंद्रावर होणारा पाणी पुरवठा दोन मार्चला बंद राहणार आहे. रविवारी (ता. ३) सकाळचा पाणी पुरवठा कमी प्रमाणात, कमी दाबाने होणार असल्याची माहिती महापालिकेच्या पाणी पुरवठा विभागाने दिली आहे. (latest marathi news)