लासलगाव : गेल्या अनेक दिवसापासून लासलगाव सह लाभार्थी गावांना पाणीपुरवठा करणाऱ्या नांदूर मध्यमेशवर धरण कोरडे ठाक पडल्याने भीषण पाणी टंचाईला सामोरे जावे लागले होते. नागरिकांच्या रेट्यामुळे उद्या शनिवारी (ता.११) पहाट पासून सुरळीत पाणीपुरवठा सुरू होणार असल्याची माहिती लासलगाव ग्रामपंचायत ग्रामसेवक लिंगराज जंगम यांनी दिली. (Water supply to Lasalgaon start from today)

जलवाहिनीची गळती, नादुरुस्त मोटार, वीज पुरवठा खंडित व धरणाने गाठलेला तळ या विविध समस्यांमुळे लासलगावकरांना २० ते २२ दिवसापासून नागरिकांना भीषण पाणी टंचाईला सामोरे जावे लागले होते.

नागरिकांनी लोकसभा मतदान बहिष्कार व लासलगाव बंदचा इशारा दिल्यानंतर खडबडून जागे झालेल्या प्रशासनाने तत्काळ उपयोजना करून वालदेवी मुकणे व दारणा धरणातून पाणी सोडून लासलगावला पाणीपुरवठा करणाऱ्या नांदूर मध्यमेश्वर धरणात पाणी सोडले. (latest marathi news)

पाणवेलीचा अडसर

मात्र पाणी नांदूर मध्यमेश्वर धरणात पोहोचल्यानंतर जॅकवेल पर्यंत पाणी पुढे येत नव्हते लासलगाव ग्रामपंचायतीने कर्मचाऱ्यांच्या मदतीने जेसीबी लावून पानवेली काढून जॅकवेल पर्यंत पाण्याचा मार्ग मोकळा केला.

आज शुक्रवारी सायंकाळी उशिरापर्यंत पाण्याच्या टाक्या भरून शनिवारी पहाट पासून लासलगावकरांना पाणी वितरित केले जाईल.पाणवेलीमुळे पाणी नागरिकांनी व्यवस्थित गाळून घेऊन त्याचा वापर करावा.