Nashik Winter Update : शहरात तापमानात घट झाली आहे. वातावरणात शीतलहरी उत्पन्न झाल्याने नागरिकांना गुलाबी थंडी वाजू लागली आहे.

गुरुवारी (ता. २) शहरात १५.५ अंश सेल्सिअस किमान तापमानाची नोंद झाली. शहरात थंडीचा जोर वाढत असला तरी दुपारच्यावेळी मात्र उन्हाच्या झळा कायम आहेत. (Nashik Winter Update city recorded minimum temperature near 15 Celsius)

शहरात दुपारी ३१.४ इतके कमाल तापमान असल्याने दुपारी उन्हाचा चटका अन् सकाळ- सायंकाळी गारव्याचा अनुभव शहरवासीयांना येत आहे.

वातावरणाच्या या बदलांमुळे सर्दी, तापासारखे आजार बळावत असल्याने नागरिकांनी काळजी घेण्याचे आवाहन डॉक्टर करत आहेत. तर दुसरीकडे सकाळच्यावेळी गुलाबी थंडी जाणवत असल्याने मैदाने, जिम, जॉगिंग ट्रॅक येथे गर्दी वाढताना दिसत आहे.