Nashik Winter Update : गेल्‍या काही दिवसांपासून नाशिकच्‍या किमान तापमानात सातत्‍याने घट सुरू होती. यामुळे वातावरणात कमालीचा गारवा निर्माण झालेला होता. परंतु गेल्‍या दोन दिवसांपासून पारा किरकोळ प्रमाणात वाढला असून, यामुळे थंडीत काही प्रमाणात घट झालेली आहे. (Nashik Winter Update Mercury rises marginally cold)

शुक्रवारी (ता. ३) नाशिकचे किमान तापमान १५.६ अंश सेल्सिअस नोंदविले गेले. तर किमान तापमान ३२.१ अंश सेल्सिअस राहिले. तत्‍पूर्वी काल (ता.२) नाशिकचे किमान तापमान १५.५ अंश तर कमाल तापमान ३१.४ अंश सेल्सिअस राहिले होते.

यंदाच्‍या हंगामात किमान तापमान १४.५ अंश सेल्सिअसपर्यंत खालावलेले होते. त्‍यानंतर सातत्‍याने पारा वाढत आहे. सध्या पंधरा अंश सेल्सिअसदरम्‍यान किमान तापमान स्‍थिरावलेले आहे.

पुढील काही दिवस ढगाळ वातावरणामुळे गारवा कमी राहाण्याची शक्‍यता असून , त्‍यानंतर पुन्‍हा वातावरणात थंडी अनुभवायला मिळणार आहे.