वणी : श्रीक्षेत्र सप्तशृंगी गडावरील शीतकड्यावरुन दरीत उडी घेवून महिलेने आत्महत्या केल्याची घटना घडली असून वणी पोलिसांत अकस्मात मृत्युची नोंद करण्यात आली आहे. (Nashik woman ended her life by jumping from shitkada)

जाटपाडे ता. मालेगाव येथीस मनिषा योगेश जगताप, वय 35 वर्षे ही काल ता. २८ पासून घरातून बेपत्ता होती. याबाबत कुटुंबीयांनी नातेवाईक व परीसरात शोध घेतला असात मिळून आली नाही. आज ता. २९ सप्तशृंगी गडावर कुटुंबातील सदस्य मनिषा यांचा शोध घेेत असतांना शीतकडा परीसरातीस खोल दरीत महिलेचा मृतदेह पडल्याचे दिसून आले.

याबाबत पोलिसांना माहीती दिल्यानंतर पोलिसांनी स्थानिक ग्रामस्थ तसेच सप्तशृंगी निवासिनी देवी ट्रस्टचे आपत्ती व्यवस्थापन पथकांच्या मदतीने खोलदरीत असलेले महिलेचे मृतदेह बाहेर काढण्यात आले. आपत्ती व्यवस्थापन टीम यचे मंगेश केदारे , संकेत नेवकर, सागर गावित, कृष्णा जोपळे, नानाजी सोनवणे, ज्ञानेश्वर गावित, पराग कुलकर्णी आदींच्या दरीतून सदर महिलेस बाहेर काढले. (latest marathi news)

दरम्यान सदरची महिला ही मनिषा जगताप असल्याची खात्री झाली. दरम्यान शीतकड्याचा परीसर हा वणी पोलिस स्टेशन हद्दीत असल्याने वणी पोलीस ठाण्याचे पोलीस व नातेवाईक यांनी रुग्णवाहिकेने वाहनाने वणी ग्रामीण रुग्णालय वणी येथे मनिषा योगेश जगताप वय 35 वर्षे रा. जाटपाडे ता मालेगाव हिस घेवून आल्यानंतर वैद्यकिय अधिकाऱ्यांनी तपासुन मयत घोषित केले.