जुने नाशिक : प्रसिद्धीच्या झोतात राहण्यासाठी मॉडेल पूनम पांडे विविध स्टंट करत नागरिकांच्या सामाजिक भावना दुखावत आहे. काही महिन्यांपूर्वी तीने कॅन्सरमुळे निधन झाल्याची अफवा पसरविली. त्यामुळे कॅन्सरग्रस्त रुग्ण आणि त्यांच्या कुटुंबीयांमध्ये भीती निर्माण झाली.

तिच्या अशा कृत्याविरुद्ध कारवाईसाठी मुंबई येथील फैजान अन्सारी या तरुणाने पंतप्रधान नरेंद्र मोदी यांच्या भेटीसाठी मुंबई ते दिल्ली पायी वारी सुरू केली आहे. (nashik young man walks mumbai to Delhi to take action against Poonam Pandey marathi news)

मुंबई अंधेरी येथून शुक्रवारी (ता.२३) पदयात्रेस सुरवात करून रविवारी (ता.२५) द्वारका, नाशिक येथे तो दाखल झाला. येथून गुजरात, राजस्थानमार्गे दिल्ली येथे जाणार असून यासाठी दैनंदिन तीस ते चाळीस किलोमीटरचा पायी प्रवास करणार असल्याचे त्याने सांगितले.

पूनम पांडेने कुठल्या ना कुठल्या स्टंटबाजीने प्रकाश झोतात राहत नागरिकांच्या भावना दुखविण्याचा प्रयत्न केला आहे. अशाप्रकारे तिच्याकडून स्टंटबाजी करत सोशल मीडियाचा गैरवापर होऊन नागरिकांच्या मनावर परिणाम होत असल्याचा आरोप करीत फैजान याने तिने असे प्रकार थांबवण्यासाठी पूनमविरुद्ध मुंबई काशिमिरा पोलिस ठाण्यात तक्रार दाखल केली आहे. (Latest Marathi News)

कानपूरमध्येही पोलिस आयुक्तांची भेट घेत तक्रार दिली आहे. अद्याप त्यावर कुठलीही कारवाई झालेली नाही. यामुळे कारवाईसाठी शेवटी त्याने नरेंद्र मोदी यांची भेट घेण्याचा निश्चय केला आहे. त्यासाठी त्याने मुंबई ते दिल्ली पदयात्रा सुरू केली आहे.

"पूनम पांडेवर कठोर कारवाई व्हावी. मागणी मान्य न झाल्यास उपोषण करणार."

- फैजान अन्सारी, तक्रारदार तरुण