Nashik ZP News : जिल्हा परिषद सेस योजना सन २०२३-२४ करिता ५० टक्के किंवा मर्यादित अनुदानावर ट्रॅक्टर, रोटकेटर, कडबाकुट्टी यंत्र व वीजपंप संच या कृषी साहित्यासाठी डीबीटी प्रणालीद्वारे शेतकऱ्यांना पुरवठा करण्यासाठीची योजना जिल्हा परिषद कृषी विभागामार्फत राबविण्यात येत आहे. (Nashik ZP Apply for purchase of subsidized materials Agriculture Department appeal)

हेही वाचा : Credit Card फसवणूक....काय घ्याल काळजी?

या योजनेचा लाभ घेण्याकरिता लाभार्थी शेतकऱ्याने सातबारा उतारा व खाते उतारा, विहीत नमुन्यातील अर्ज पंचायत समितीकडे सादर करावेत. तसेच, अनुसूचित जाती-जमाती प्रवर्गातील लाभार्थी असल्यास जात प्रमाणपत्राची प्रत सादर करणे आवश्यक आहे.

प्रथम येणाऱ्यास प्रथम प्राधान्य या तत्त्वावर लाभ देण्यात येईल. जिल्ह्यातील शेतकऱ्यांनी अनुदानावर साहित्य खरेदीसाठी तालुकास्तरावर पंचायत समिती येथे कृषी अधिकारी/विस्तार अधिकारी (कृषी) यांच्याशी संपर्क साधावा, असे आवाहन मुख्य कार्यकारी अधिकारी आशिमा मित्तल यांनी केले आहे.