नाशिक / इगतपुरी : तालुक्यासह संपुर्ण नाशिक जिल्हयात कोरोनाने एकीकडे धुमाकूळ घातला असताना विद्यार्थ्यांचे शैक्षणिक नुकसान होऊ नये यासाठी शासनाने ऑनलाइन शिक्षणाचा प्रयोग सुरु केला आहे. मात्र शहरी भागात चांगले नेटवर्क (रेंज) असल्यामुळे विद्यार्थी अँड्रॉइड मोबाईलवर अभ्यास करू शकतात. मात्र ग्रामीण भागात अजून ही बरीच अशी गावे आहेत की त्या ठिकाणी मोबाइल नेटवर्कच मिळत नाही. मोडाळे गावात तर नेटवर्कसाठी मुलांना एक किलोमीटर पायीपीट करीत डोंगरावर रेंज शोधण्यासाठी जावे लागत आहे.

मोबाइल असूनही नसल्यासरखाच
इगतपुरी तालुक्यातील मोडाळे गाव सगळीकडे डोंगररांगानी वेढलेले आहे. त्यामुळे या गावात कोणत्याच मोबाइल कंपनीला नेटवर्क मिळत नाही असे असताना शासनाने मुलांना ऑनलाइन शिक्षणाचा पर्याय सुरु केला आहे. कोरोनाच्या धर्तीवर हा पर्याय जरी योग्य असला तरी ग्रामीण डोंगराळ ,आदीवासी व दुर्गम भागात मोबाइल नेटवर्क मिळत नाही त्यामुळे मोबाइल असूनही नसल्यासरखाच आहे, मोडाळे गावात देखील अशीच परिस्थिति असल्याने विद्यार्थ्यांना चक्क आपल्या फोनच्या माध्यमातून शिक्षण घेण्यासाठी एक किमी पायी चालत डोंगरावर जावे लागत आहे.

नेटवर्क देणाऱ्या कंपन्यांनी लक्ष द्यावे
याठिकाणी मोबाईलची रेंज असल्याने विद्यार्थ्यांना डोंगरावर जाताना ही सर्प,विंचू अशा विषारी प्राण्यांच्या भीतीने आपला जीव मुठीत धरून हा अवघड अभ्यासक्रम करत आहे.त्यामुळे ग्रामीण भागात शिक्षण देताना शिक्षकांना ही या कठीण परिस्थितिला सामोरे जावे लागत आहे,आणि विद्यार्थ्यांचे देखील शैक्षणिक नुकसान होत आहे.विद्यार्थ्याचे नुकसान टाळण्यासाठी मोबाईल नेटवर्क देणाऱ्या कंपन्यांनी लक्ष द्यावे अशी मागणी नागरीकांसह पालकवर्गाकडुन होत आहे.

हेही वाचा > ह्रदयद्रावक! सकाळी हसतमुख दिसलेल्या लेकीची दुपारी डेडबॉडीच...आईने फोडला हंबरडा

अभ्यास कुठून होणार?

आमच्या गावात कुठल्याही मोबाईल नेटवर्क ला कवहरेज येत नाही परिणामी फोन करायचा असल्यास गावा शेजारील डोंगरावर जावे लागते ग्रामपंचायतच्या वतीने मागणी देखील केली असताना कुठलीच नेटवर्क कंपनी दखल घेत नाही.  - मंगला बोंबले सरपंच,मोडाळे 

इगतपुरी तालुक्यातील आमच्या मोडाळे गावात कोणत्याच मोबाईल कंपनीचे नेटवर्क मिळत नाही आणि गावातील प्रत्येक पालकांची अँड्रॉइड मोबाईल घेण्याची ऐपत नाही आहे विशेष म्हणजे गावात नेटवर्क नाही मिळत तर अभ्यास कुठून होणार - हरिदास सूर्यवंशी ,अध्यक्ष,शाळा व्यवस्थापन समिती,मोडाळे 

हेही वाचा > सावध व्हा...'हा' आजार पडेल महागात...कोरोनाचे व्हाल बळी!

मोडाळे गावासह पंचक्रोशीत  कुठल्याच कँपनील नेटवर्क मिळत नसून तसा अहवाल देखील यापूर्वीच आम्ही शासनाकडे पाठवाला आहे दरम्यान विद्यार्थ्यांनी आपला जीव मुठीत धरून डोंगरावर जाऊ नये शाळा सुरु होईपर्यंत पालकांनी दक्षता घ्यावी मोबाईल नेटवर्क देणाऱ्या कंपन्यांनी लक्ष द्यावे   - चंद्रभागा तुपे ,मुख्यध्यापिका, जिल्हा परिषद प्राथ शाळा ,मोडाळे