सिडको (नाशिक) : घराच्या टेरेसवरुन उडी मारत २४ वर्षीय विवाहितेने आत्महत्या (suicide) केल्याची धक्कादायक घटना सिडकाेतील खुटवड नगर येथे रविवारी (दि. २) सकाळी घडली आहे.

सुसाइड नाेट सापडली मात्र...

पोलिसांनी दिलेल्या माहितीनुसार मयत प्रियंका आकाश पगारे (रा. कृष्णा अपार्टमेंट, माहेरघर मंगल कार्यालयसमोर, खुटवड नगर) असे विवाहितेचे नाव आहे. सकाळी साडेदहाच्या सुमारास बिल्डिंगच्या गच्चीवरून उडी मारत तिने आत्महत्या केली आहे. आत्महत्येचे कारण अद्याप समजू शकलेले नसून तिच्याकडे सुसाइड नोट (Suicide note) पाेलिसांना सापडली आहे. तिला तत्काळ जिल्हा शासकीय रुग्णालयातील दाखल करण्यात आले. मात्र डॉ. धूम यांनी तपासून मृत घोषित केले आहे.

सुसाइड नोटमध्ये तिने वडिलांना उद्देशून म्हटलं की, मी गेल्यावर थोडा त्रास होईल पण नंतर सर्व ठीक होईल. तसंच आई मला माफ कर, माझ्या मृत्यूला कोणालाही जबाबदार धरू नये. या प्रकरणाचा तपास अंबड पाेलिस करत आहेत.