नाशिक : शहरात दीड वर्षानंतर स्वाईन फ्लूचे दोन रुग्ण सापडल्याने महापालिकेची वैद्यकीय यंत्रणा सतर्क झाली आहे. (NMC alerted after finding swine flu patient in city Nashik news)

महापालिका आयुक्त रमेश पवार यांनी गुरुवारी (ता. ३०) वैद्यकीय अधिकाऱ्यांची बैठक घेउन साथरोगांबाबत जनजागृतीच्या सूचना दिल्या. नाशिक शहरात डेंगीच्या ११ रुग्ण सापडले. त्यापाठोपाठ बुधवारी स्वाईन फ्लूचे दोन रुग्ण आढळले. पावसाळा सुरू झाल्याने या पार्श्वभूमीवर साथरोगांचा प्रादुर्भाव वाढण्‍याचा धोका असल्याने महापालिका यंत्रणा सतर्क झाली आहे. महापालिका आयुक्तांनी बैठक घेत साथरोगांबाबत जनजागृतीच्या सूचना दिल्या.

साथरोग २१ जून २२ जून

कॉलरा ० ०

काविळ २ ०

मलेरिया १ ०

डेंगी ४० ११

चिकूनगुनिया ८० ०

स्वाईन फ्लू ० २

कोरोना ३२९३ ५७३

काळजी घेण्याचे आवाहन

- घाबरून न जाता आरोग्य केंद्राशी संपर्क साधा

- बैठका घेऊन वैद्यकीय पथक कार्यरत करा

- नागरिकांनी पावसाळ्यात दक्षता घेण्याच्या सूचना

- डेंगी, मलेरिया टाळण्यासाठी मच्छरदाणी वापरा

- आठवड्यातून एकदा कोरडा दिवस पाळावा