नाशिक : मागील तीन महिन्यांमध्ये ८० कोटी रुपयांनी महापालिकेच्या (NMC) ठेवीमध्ये वाढ झाली आहे. विविध बँकांमध्ये महापालिकेच्या जवळपास २५० कोटी रुपयांच्या ठेवी होत्या. अडचणीच्या काळात ठेवी मोडण्यात आल्या. त्यामुळे प्रशासनाला टीकेचे धनी व्हावे लागले होते. (NMC deposits increased by 80 crore nmc latest news)

महापालिका आयुक्तपदाची सूत्रे रमेश पवार यांना स्वीकारल्यानंतर मासिक वीस कोटी रुपयांची बचत करण्याच्या सूचना दिल्या होत्या. त्यानुसार तीन महिन्यात ८० कोटी रुपये बचत केल्यानंतर जमा करण्यात आली.

त्यामुळे आता बँकांमध्ये महापालिकेच्या एकूण १८० कोटींच्या ठेवी आहे. मात्र, पुढील तीन ते चार महिने ठेव जमा होण्याची शक्यता कमी आहे. कर्मचाऱ्यांना वेतन लागू करण्यात आला आहे. सातव्या वेतन आयोगाचा फरक कर्मचाऱ्यांना देणे आहे.

सप्टेंबर महिन्यात पहिल्या हप्ता जमा होईल. त्यामुळे ठेवीसाठी रक्कम बाजूला काढणे शक्य होणार नाही. दिवाळीसाठी सानुग्रह अनुदान द्यावे लागणार आहे. त्यामुळे ठेवीसाठी रक्कम जमा करता येणार नाही.