नाशिक : कोरोनामुळे (Corona) पुढे ढकलले गेलेले 94 वे अखिल भारतीय मराठी साहित्य संमेलन भुजबळ नॉलेज सिटी नाशिक येथे होणार आहे. संमेलनाची मैफील येत्या 3 डिसेंबरपासून सुरू होत आहे, मात्र आता या संमेलनावर कोरोनाच्या नविन व्हेरिएंट 'ओमिक्रॉन' (Omicron) चे सावट दिसू लागल्याने प्रशासन यंत्रणा व संमेलनाचे आयोजक सतर्क झाले आहे. त्यानुसार आता आयोजकांनी नवीन नियमावली जाहीर केली आहे.

No Vaccine- No Entry

नाशिक येथे पार पडणाऱ्या संमेलनात रसिकांची मांदियाळी असणार असून त्यादृष्टीने आधिपासूनच उपाययोजना सुरू होत्या. कोरोनाची लाटही ओसरते असे दिसू लागल्याने सर्वच जण संमेनाचा आनंद घेऊ शकतील अशी परिस्थिती होती. मात्र आता कोरोनाचा नवीन व्हेरिएंट 'ओमिक्रॉन'चा धोका बळावू लागल्याने संमेलनाच्या आयोजकांनी आता काही नियम कडक केले आहेत. ज्यात याआधी कोरोना त्रिसूत्रीचे पालन करणे अनिवार्य होतेच मात्र आता संमेलन स्थळी ओमिक्रॅानच्या पार्श्वभुमीवर वॅक्सिनचे दोन्ही डोस पूर्ण न झालेल्यांना आता नो इंट्री असणार आहे.