नाशिक : (सिडको) रसाळ जांभळांची आजींना पडली भुरळ... जांभळं  घेण्यासाठी म्हणून त्या पुढे सरसावल्या...अन् बस्स...तिथेच आडवा आला काळ अन् घडले असे अघटित काही वेळात घडला हा धक्कादायक प्रकार...

अशी आहे घटना

जांभूळ वेचण्यासाठी गेलेल्या वृद्धेला वीज प्रवाहाचा धक्का लागून मृत्यू झाल्याची घटना रविवारी (ता. 14) सिडको परिसरात घडली. मूळ शेगावच्या व सध्या शिवशक्ती चौकातील दत्त मंदिराजवळ भाड्याच्या खोलीत राहणाऱ्या केशर महादेव तांगडे (वय 62) या जांभळाच्या झाडाखाली जांभूळ वेचण्यासाठी गेल्या असता, जवळच असलेल्या मिनी पिलरवर अडकलेली फांदी काढण्याचा प्रयत्न करत असताना, त्यांचा हात मिनी पिलरला लागला. आधीच त्यात वीजप्रवाह उतरल्याने त्याचा धक्का लागून त्या जागीच कोसळल्या. परिसरातील नागरिकांनी त्यांना वाचविण्याचा प्रयत्न केला. जिल्हा रुग्णालयात दाखल केले; परंतु तत्पूर्वीच त्यांचा मृत्यू झाला होता. दरम्यान, घटनास्थळी माहिती घेण्याकरिता आलेल्या प्रभाग 26 मधील भारतीय जनता पक्षाच्या नगरसेविका अलका अहिरे यांना परिसरातील महिलावर्गाने घेराव घालून जाब विचारला. 

हेही वाचा > photos : मध्यरात्री सिनेस्टाईलने केला राडा...कोयत्याने दरवाजा तोडून घरात शिरले...अन् मग

सिडको परिसरात वारंवार विजेचे शॉक लागून नागरिक मृत्युमुखी पडण्याचे प्रमाण दिवसेंदिवस वाढत असून, त्यामुळे नागरिकांमध्ये लोकप्रतिनिधी व महावितरण कंपनीच्या विरोधात रोष व्यक्त होताना दिसत आहे. याकरिता भूमिगत तारांचा प्रश्‍न पुन्हा एकदा ऐरणीवर आला आहे. मागील वर्षी शिवपुरी चौकात आजी, मुलगी व नात वीज वाहिनीचा शॉक लागून मृत्युमुखी पडल्याची घटना घडली होती.  

हेही वाचा > VIRAL : 'चमक्या लुगडं' नेसणारा 'पॉवरलूमचा कामगार तुफान व्हायरल...एकदा बघाच