सिन्नर (जि. नाशिक) : सिन्नर नगरपरिषद, वनप्रस्थ फॉउंडेशन, पूर्णम इकोव्हीजन फाउंडेशन (पुणे) व पर्यावरण संरक्षण गतीविधी यांच्यातर्फे येथे ३६ केंद्रांच्या माध्यमातून राबविलेल्या ई- यंत्रणा महाअभियानात सुमारे दीड टन ई-कचरा संकलित करण्यात आला. (One half ton e waste collected in Sinnar Nashik News)

हेही वाचा : भारतीय क्रिकेटची नवी आशा- पृथ्वी शाॅ

सिन्नर शहरातील विविध शाळा व रहिवाशी क्षेत्रात संकलन केंद्र उभारण्यात आले होते. सिन्नर नगरपरिषद अधिकारी-कर्मचारी,सिन्नर सायकलिस्ट असोसिएशन, सिन्नर डॉक्टर्स असोसिएशन, लायन्स क्लब, रोटरी क्लब, सीमा, सिन्नर शहर व परिसरातील प्राथमिक व माध्यमिक शाळा, महाविद्यालये, महिला बचत गट, वनप्रस्थ फाउंडेशनचे स्वयंसेवक यांच्यासह सिन्नर शहरातील नागरिकांनी या मोहिमेबाबत सायकल रॅली, पथनाट्याद्वारे जनजागृतीचे केली.

त्यामुळे मोठ्या प्रमाणात ई कचरा जमा होण्यासाठी मदत झाली. जवळपास 56 स्वयंसेवकांनी सक्रिय सहभाग घेत जनजागृती केली. क्यूपीड रबर कंपनीनेही सहभाग नोंदवत २०० किलो ईकचरा दान केला आहे.

क्षत्रिय इलेक्ट्रॉनिक्स यांनी ३० टीव्ही व इतर असे जवळपास ५०० किलो ई- कचरराजमा केला. या मोहिमेत संकलित झालेल्या सर्व ई कचऱ्याचे वर्गीकरण करून त्याचा पुनर्वापर करता येईल अशा वस्तू, उपकरणांची दुरुस्ती करून गरजूंना दिल्या जातील. अन्य निरुपयोगी इ-कचऱ्याचे शास्त्रीय व पर्यावरणपूरक पद्धतीने रिसायकलर्सकडे विल्हेवाटीसाठी दिला जाईल.