Nashik News : मुक्‍त विद्यालय मंडळाच्‍या पाचवी आणि आठवीसाठी प्रविष्ट होणाऱ्या विद्यार्थ्यांना नोंदणीसाठी मुदतवाढ मिळाली आहे.

महाराष्ट्र राज्‍य माध्यमिक व उच्च माध्यमिक शिक्षण मंडळाच्‍या नाशिक विभागातर्फे यासंदर्भात सूचना जारी करताना रविवार (ता. १५)पर्यंत मुदत वाढविल्‍याचे जाहीर केले आहे. (Open School Board Exam Application Deadline till Sunday Nashik News)

नाशिकसह धुळे, जळगाव, नंदुरबारचा समावेश असलेल्‍या नाशिक विभागीय मंडळाच्‍या कार्यक्षेत्रातील केंद्र शाळाप्रमुख व मुख्याध्यापकांना सूचना कळविली आहे.

महाराष्ट्र राज्‍य मुक्‍त विद्यालय मंडळामार्फत घेतल्‍या जाणाऱ्या प्राथमिक स्‍तर (पाचवी) आणि उच्च प्राथमिक स्‍तर (आठवी) परीक्षेसाठी नव्‍याने प्रविष्ट होणाऱ्या व नावनोंदणी प्रवेश अर्ज भरण्यासाठी मुदतवाढ दिली आहे.

जानेवारी-फेब्रुवारी २०२४ मध्ये होणाऱ्या मूल्यमापन सत्रासाठी विद्यार्थ्यांचे ऑनलाइन पद्धतीने नावनोंदणी प्रवेश अर्ज भरण्यासाठी रविवार (ता. १५) पर्यंत वाढीव मुदत राहील.

सुधारित वेळापत्रकानुसार विद्यार्थ्यांनी ऑनलाइन नावनोंदणीची मुदत वाढविताना इतर वेळापत्रकातही सुधारणा केली आहे. विद्यार्थ्यांनी मूळ अर्ज, शुल्‍क व मूळ कागदपत्रे अर्जावर नमूद केलेल्‍या संपर्क केंद्र शाळेत जमा करण्यासाठी १८ ऑक्‍टोबरपर्यंत मुदत दिली जाणार आहे.

संपर्क केंद्र शाळांनी विद्यार्थ्यांचे अर्ज विहित शुल्‍क व मूळ कागदपत्रे व यादी विभागीय मंडळात जमा करण्यासाठी २३ ऑक्‍टोबरपर्यंत मुदत दिली जाणार आहे.