Nashik News : मनमाड-भुसावळ रेल्वेमार्गावर नवीन रेल्वेलाईनला अडथळा ठरत असलेली पानेवाडी येथील चाँदशावली दर्गा आणि साडेतीनशे वर्ष जुना असलेला वटवृक्ष रेल्वे प्रशासनाने हटवला आहे. (Panewadi railway administration removed hindrance dargah Nashik News)

हेही वाचा : Credit Card फसवणूक....काय घ्याल काळजी?

दर्गा आणि वटवृक्ष हटविल्याने गावाची शोभा हरपली असल्याचा सूर ग्रामस्थांनी व्यक्त केला. मनमाड-भूसावळ या रेल्वे मार्गालगत पानेवाडी गावाजवळ रेल्वे लाईनला लागून ब्रिटीशकालीन वटवृक्ष होता. याच वटवृक्षाच्या खाली गावाचे ग्रामदैवत असलेल्या चाँदशावली बाबांची दर्गा होती.

वर्षातून एकदा मोठी यात्रा या गावात भरत होती. परंतु नवीन रेल्वेलाईनला हा वटवृक्ष आणि दर्गा अडथळा ठरत असल्याने रेल्वे प्रशासनाने नरहरी उंबरे यांच्या शेताजवळ या दर्ग्याचे स्थलांतर करून नव्याने उभारणी केली आणि वडाचे झाड तोडले.