Nashik News : नेहमीच गजबजलेले रेल्वेस्थानकाबाहेर ‘ओन्ली ड्रॉप ॲन्ड गो’ बोर्ड लाऊन सध्या आरपीएफ जवान खडा पहारा देत आहे. (Passengers worried due to traffic jam outside railway station nashik news)

त्यामुळे रेल्वेस्थानकात चार चाकी लावण्यासाठी जागा नाही. शिवाय यामुळे मोठ्या प्रमाणात रेल्वे स्थानकाबाहेर वाहतूक कोंडी होत आहे. रेल्वेने वाहतुकीबाबत उपाययोजना कराव्यात, अशी मागणी प्रवासी करीत आहे.

मध्य रेल्वेच्या वरिष्ठ अधिकाऱ्यांनी सध्या रेल्वे स्थानकात हा फलक लावला आहे. शिवाय त्याखाली नो- पार्किंग लिहिले आहे. नेहमी प्रवाशांना सोडायला येणाऱ्या चारचाकी या ठिकाणी उभे राहत. पर्यायाने प्रवाशांना रेल्वे स्थानकावर उतरल्यावर थेट रेल्वेस्थानकापर्यंत गाड्या वेटिंग करत.

आता या ठिकाणी प्रवाशांना सोडायला येणारी वाहने प्रवाशांना सोडून जात आहे. मात्र रेल्वे स्थानकात रेल्वेने प्रवास करून उतरणाऱ्या प्रवाशांची सध्या पायपीट होत आहे. प्रवाशांना घ्यायला येणारी ही वाहने रेल्वे स्थानकाच्या बाहेर थांबत असल्यामुळे सध्या मोठ्या प्रमाणावर वाहतूक कोंडीचा सामना करावा लागत आहे.

रेल्वे स्थानकात वाहतूक समस्या सोडविणे गरजेचे आहे. रेल्वे प्रशासनाने सामाजिक दृष्टिकोनातून विचार करून आपली जागा पार्किंगसाठी देणे गरजेचे वाटते, असे प्रवासी संदीप जगझाप यांनी सांगितले.