नाशिक/सिडको : चुंचाळे संकुल, संजीवनगर परिसरातील चारचाकी व रिक्षांच्या काचांची तोडफोड करत तलवारी मिरवणाऱ्या चारही दहशतखोरांची मस्ती उतरविण्यासाठी पोलिसांकडून त्यांना उठा-बश्‍या काढायला लावत त्यांना संबंधित परिसरातून मिरविण्यात आले. 

दहशतखोरांवर पोलिसांची कारवाई 
संजीवनगर, चुंचाळे परिसरात संशयित अक्षय जाधव (वय 23, वरचे चुंचाळे, अंबड), शैलेश माळी (वय 24, योगेश्‍वर विहार, वावरेनगर, नवीन नाशिक), इंद्रजित खुराणा (वय 21, त्रिमूर्ती चौक, नवीन नाशिक), शुभम अरगडे (वय 23, रा. रामकृष्णनगर, अंबड, नाशिक) यांनी मद्यधुंद अवस्थेत दहशत पसरविण्याच्या उद्देशाने परिसरातील घरांबाहेरील गाड्यांची तोडफोड केली होती. याप्रकरणी अंबड पोलिस ठाण्यात गुन्हा दाखल होताच पोलिस निरीक्षक कमलाकर जाधव, गुन्हे शाखा उपनिरीक्षक राकेश शेवाळे, हेमंत आहेर, अविनाश देवरे, भास्कर मल्ले, मारुती गायकवाड, चंद्रकांत गवळी, धनंजय उबाळे, मनोहर कोळी, दीपक वाणी, प्रमोद काशिद, संभाजी जाधव यांच्या पथकाने परिसरातील सीसीटिव्ही फुटेज तपासून संशयितांची ओळख पटवली.

हेही वाचा > एक स्त्रीलाच दुसरी स्त्री नकोशी!...अज्ञात निष्ठुर मातेने 'नकोशीला' झाडाच्या अडचणीत टाकून केले पलायन

संबंधित संशयितांनी संजीवनगर व चुंचाळे परिसरात मोठ्या प्रमाणावर दहशत पसरविण्याचे काम केले होते. त्यांची दहशत कमी होण्यासाठी वरिष्ठ पोलिस निरीक्षक कुमार चौधरी यांनी चारही संशयितांना परिसरातून फिरवत नागरिकांच्या मनातील दहशत कमी केली.

हेही वाचा > लग्न जमण्याच्या आधीच 'दोघांना' भेटणं पडलं चांगलच महागात...!